12px13px15px17px
Tarix:16/07/15

Nadir “Enigma” şifrləmə qurğusu 232 min dollara satılıb

"NBC News" nəşri yazır ki, Londonda "Sotheby's" hərracında 1943-cü ilə məxsus yığcam "Enigma" şifrləmə qurğusu satılıb.
 
 
Qurğunun yekun dəyəri gözləntiləri alt-üst edib. Məxfiliyini saxlamaq istəyən qurğunun yeni sahibi "Enigma" şifrləmə qurğusunu 149 min funt (təxminən 232 min dollar) məbləğində qiymətləndirib.
 
Təşkilatçı qurğuya böyük marağı cihazın yaxşı vəziyyətdə olması ilə izah edib.
 
 
"ICTnews" elektron xəbər xidməti "lenta.ru" saytına istinadən bildirir ki, yığcam "Enigma" şifrləmə qurğusu 1919-cu ildə patentlənib və öncə dünyanın bir çox ölkələrində kommersiya və hərbi məqsədlər naminə istifadə olunub. Məxfi mesajlar göndərməyə imkan verən qurğu İkinci Dünya müharibəsi zamanı faşist Almaniyasında xüsusilə populyar olub. "Enigma" şifrləmə qurğusunun alqoritmi ilk dəfə 1938-ci ildə açılıb, bundan sonra alman mühəndisləri konstruksiyanı mürəkkəbləşdiriblər.
 
"Enigma" qurğusu tərəfindən generasiya olunan mesajların deşifr edilməsi üzərində dünyanın bir çox riyaziyyatçıları işləyib. Kodu oxumağa imkan verən ilk qurğunu İkinci Dünya müharibəsindən əvvəl polyaklar yığıb.
 
Bundan sonra deşifr üçün "Bombe" adlı elektron-mexaniki qurğular hazırlanıb. İngilis alimi Alan Tyurinq bu qurğuların yaradılmasında aktiv iştirak edib. Alim bundan sonra öz həllini dünyanın ilk elektron hesablama maşınlarından biri olan "Kolos" qurğusunda tətbiq edib.
 
Ümumilikdə təxminən 100 min "Enigma" qurğusu buraxılıb.
 
Emil Hüseynov



Baxış sayı: 556

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024