İKT

Tarix:23/07/15

“Terminoloji informatika: formalaşma mərhələləri və inkişaf istiqamətləri” adlı ekspress-informasiya nəşr olunub

Azərbaycanda terminologiya fəaliyyətinə informasiya-kommunikasiya texnologiyaları mövqeyindən yanaşılmalıdır.

Bu zərurət AMEA İnformasiya Texnologiyaları İnstitutunda (İTİ) çap edilən “Terminoloji informatika: formalaşma mərhələləri və inkişaf istiqamətləri” adlı ekspress-informasiyada ətraflı əsaslandırılıb.

AMEA İnformasiya Texnologiyaları İnstitutunda (İTİ) “Terminoloji informatika: formalaşma mərhələləri və inkişaf istiqamətləri” adlı ekspress-informasiya işıq üzü görüb.

Ekspress-informasiyanın müəllifləri AMEA-nın akademik-katibi, İTİ-nin direktoru, akademik Rasim Əliquliyev və institutun sektor müdiri Əfruz Qurbanova, elmi redaktoru texnika üzrə fəlsəfə doktoru, dosent Zərifə Cəbrayılovadır. İnstitutdan bildirilib ki, İTİ-nin Elmi Şurasının qərarı ilə çapa tövsiyə olunmuş və “İnformasiya Texnologiyaları” nəşriyyatında çapdan çıxmış ekspress-informasiyada müasir dövrdə terminologiya fəaliyyətinin rolu və əhəmiyyəti, bu sahədə mövcud xarici təcrübə araşdırılıb, Terminologiya üzrə Beynəlxalq İnformasiya Mərkəzinin fəaliyyəti və beynəlxalq standartlar təhlil edilib. Bu standartlarda terminologiyanın müxtəlif problemlərini əhatə edən bir sıra məsələlərin əhəmiyyəti və onların tətbiqinin zəruriliyi qeyd olunub.

Ekspress-informasiyada Azərbaycanda terminologiya üzrə milli standartların işlənməsinin vacibliyi əsaslandırılıb.

Tədqiqat işində terminoloji informatika sahəsində aparılan tədqiqatların müasir vəziyyəti və onların müqayisəli təhlili verilib, terminoloji biliklər bazasının yaradılması imkanları analiz edilib.

Həqiqət İSABALAYEVA

Baxış sayı: 584