NRYTN

Tarix:28/07/15

BTRİB şəbəkəsində genişzolaqlı xidmətlərdən istifadə etmək imkanlığı 380640 porta çatdırılıb

Bakının telekommunikasiya şəbəkəsinin daha da inkişaf etdirilməsi məqsədi ilə layihələrin icrası davam etdirilir.

Tədbirlər planına uyğun olaraq Bakı ətrafı kənd və qəsəbələrdə mövcud olan elektron ATS-lərin yeni nəsl şəbəkə avadanlığı əsasında yenidən rekonstruksiyası həyata keçirilib.

Bakı ətrafı yaşayış məntəqələrində sakinlərin keyfiyyətli rabitə xidməti ilə yanaşı yüksək keyfiyyətli internet xidmətləri ilə təmin edilməsi istiqamətində də işlər görülüb.

Bakı Telefon Rabitəsi İstehsalat Birliyi genişzolaqlı rabitə xidmətlərinin göstərilməsini genişləndirmək üçün ATS-lərdə ADSL avadanlıqlarının montaj tutumlarının sayını 207640 ədədə çatdırıb. Artıq montaj olunmuş portların 91 faizi istifadəyə verilib. Kənar provayderlərə (operatorlara) məxsus ADSL-lər də nəzərə alındıqda BTRİB şəbəkəsində genişzolaqlı xidmətlərdən istifadə etmək imkanlığı 380640 porta çatdırılıb.

BTRİB şəbəkəsində 2014-cü ilin sonunda istismara verilən yeni internet platforması ayrılmış xətt və ya optika üzərindən internet xidmətlərinin məhdudiyyətsiz göstərilməsi imkanı yaratdığına görə bu ilin I yarımilliyində internet xidmətlərinin həcmi keçən ilin müvafiq dövrünə nisbətən 45 faiz, istifadəçilərin sayı isə 72 faiz artıb.

Hal-hazırda BTRİB istifadəçilərə ayda 2,5 mln. manat həcmində internet xidmətləri göstərir. Keçən ilin müvafiq dövrünə nisbətən cari ilin 6 ayında BTRİB üzrə internet xidmətlərindən əldə edilmiş gəlirlərin həcmi 1,2 mln. manat və ya 8,3 faiz artıb.

RƏVAN

Baxış sayı: 839