İKT

Tarix:30/07/15

Çin şirkəti qlobal mobil telefonlar bazarında liderlər arasında yer alıb

“Strategy Analytics” tədqiqat şirkətinin məlumatına əsasən, 2014-cü ilin müvafiq dövrü ilə müqayisədə 2015-ci ilin ikinci rübündə mobil telefonların tədarükü 2 faiz artaraq 434,6 milyon təşkil edib. Ötən rüb tədarük edilmiş 10 telefonun 8-i smartfon sinfinə məxsus olub.

Ekspertlər diqqət yetirib ki, qeydə alınmış 2 faizlik artım son iki ildə sözügedən bazarda ən zəif nəticədir. Çin, Avropa və ABŞ-da mobil telefonlara tələbatın azalması buna səbəb kimi göstərilir.

"ICTnews" elektron xəbər xidməti “dailycomm.ru” saytına istinadən bildirir ki, mobil telefon bazarının lideri “Samsung” şirkətində aparatların tədarük həcmi 7 faiz azalıb ki, bu da sözügedən seqmentin 20,5 faizi deməkdir.

“Apple” korporasiyası aprel-iyunda bu bazarın 10.9 faizinə nəzarət edib.

Çinin “Huawei” şirkəti çox gözəl nəticə nümayiş etdirib. Bu şirkətin bazar payı təxminən iki dəfə artaraq 7 faizə yaxınlaşıb. “Huawei” 30,6 milyon mobil telefon tədarük edib və ilk dəfə bu göstərici üzrə dünyada üçüncü pilləni tutub.

Emil Hüseynov

Baxış sayı: 625