12px13px15px17px
Tarix:10/08/15

Böyük Britaniyada televizorun populyarlığı getdikcə azalır

Böyük Britaniyanın “Ofcom” telekommunikasiya tənzimləyici orqanının məlumatına görə, ölkə sakinləri televizor qarşısında daha az vaxt keçirir. 2014-cü ildə respondentlərin 92 faizi hər həftə televizoru izləyib, halbuki 2013-cü ildə bu göstərici 93 faiz təşkil etmişdi.

"ICTnews" elektron xəbər xidməti “cableman.ru” saytına istinadən bildirir ki, bundan başqa, 2014-cü ildə britaniyalılar gün ərzində orta hesabla 3 saat 40 dəqiqə televizoru izləyiblər ki, bu da 2013-cü illə müqayisədə 11 dəqiqə daha azdır.

Ən böyük azalma (12 faiz) 15 yaşadək uşaqlar arasında qeydə alınıb: 2014-cü ildə bu yaş qrupu gün ərzində televizora 1 saat 58 dəqiqə vaxt ayırıb, halbuki 2013-cü ildə bu göstərici 2 saat 14 dəqiqə olub. 25-34 yaş aralığında olanlar 2014-cü ildə gün ərzində televizora 2 saat 49 dəqiqə vaxt ayırıblar, halbuki bir il əvvəl bu göstərici 3 saat 5 dəqiqə olub.

Emil Hüseynov
 



Baxış sayı: 455

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024