İKT

Tarix:12/08/15

Dünya tədqiqatçılarının ən son nailiyyətləri gələn il Avropa simpoziumunda nümayiş olunacaq

Sloveniyanın Portoroje şəhərində 2016-cı il iyunun 12-15-də “Avtomatlaşdırılmış Kompüter Mühəndisliyi Sistemləri” mövzusunda 26-cı Avropa simpoziumu keçiriləcək.

“ICTnews” xəbər xidmətinin məlumatına əsasən, tədbirdə dünyanın müxtəlif ölkələrinin akademik dairələrindən 300-dən çox mütəxəssisin iştirakı gözlənilir.

Simpoziumun iştirakçıları “Avtomatlaşdırılmış Kompüter Mühəndisliyi” və “Proseslərin avtomatlaşdırılması mühəndisliyi” sahələrində həyata keçirdikləri ən müasir tədqiqatların nəticələrini nümayiş edəcəklər.

Tədbir çərçivəsində həmçinin müasir cihazların, proqram təminatlarının, aksessuarların və simpozium mövzularına uyğun ədəbiyyatın nümayişi nəzərdə tutulub.

Aynur Vəliyeva

Baxış sayı: 523