12px13px15px17px
Tarix:25/08/15

Rusiyada 2016-cı ildə LTE tezliklərinin birgə istifadəsinə şərait yaradılıb

"Anonim İnternasional" qrupundan olan hakerlər tərəfindən internetdə "Roskomnadzor"un rəhbəri Aleksandr Jarova məxsus olduğu ehtimal edilən yazışma yayılıb.

"ICTnews" xəbər xidmətinin "www.cnews.ru" saytına istinadən verdiyi məlumata əsasən, yazışmada mobil operatorların radiotezliklərdə birgə istifadəsini nəzərdə tutan qanun layihəsinin  çətin taleyindən bəhs edilir.
 
Sözügedən qanun layihəsi, "Rabitə haqqında" Qanuna, radiotezliklərin birgə istifadəsinə icazə verən dəyişiklik kimi 2014-cü ilin yayında Dövlət Dumasına təqdim edilib, lakin o vaxtdan baxılması məsələsi dondurulub.
 
Qanun layihəsi radiotezliklərin, radiotezlik çeşidinin istifadəçisinin və subistifadəçisinin  çoxsubyektli istifadəsi anlayışını ehtiva edir. İstifadəçi qismində, icazəsi olan rabitə operatoru çıxış edir, subistifadəçi isə bu istifadəçi ilə razılıq əldə edən və tezliklərin istifadəsinə icazə alan digər rabitə operatorudur.
 
Tezliklərin birgə istifadəsi LTE standartında dördüncü nəsil mobil rabitənin (4G) inkişafı  fonunda aktuallaşır. Operator tərəfindən istifadə edilən tezlik zolağı nə qədər geniş olsa, o qədər də yüksək sürətlə xidmət göstərə bilər.
 
Bundan başqa, 800 MHz diapazonunda Rusiyanın mobil operatorlarının "böyük dördlüyü" – "Вымпелком", "МТС", "Мегафон" və "Tele2" – 7,5 MHz genişliyində olan bloklardan ibarət LTE-tezliklər zolağından istifadə edirlər. Operator avadanlığı isə bu cür "yuvarlaq" genişliyə malik olan zolaq ilə işləyə bilmir, buna görə də onların hər biri  ya 5 MHz tezlik zolağından istifadə edəcəklər, ya da bu tezlik zolaqlarını birləşdirməlidirlər.
 
Prezident Administrasiyası bu qanun layihəsi ilə tanış olaraq onun ikinci oxunuşda baxılması haqda qərar qəbul edib. Dövlət Duması isə onun ikinci oxunuşda baxılmasını təxirə salıb.
 
Yazışmada bildirilib ki, bu, Prezident Administrasiyasının Baş hüquq idarəsindən daxil olan rəy ilə bağlı olub.
 
 Rəy müqavilənin tərkibi ilə bağlı olub və tezliklərin birgə istifadəsində məsuliyyətin bölünməsi, müqavilənin dəyərini, tezlik çeşidinin hər biri üçün birdəfəlik və ya illik ödənişin edilməsi məsələlərini əhatə edib.
 
Lakin Rusiyanın Rabitə və Kütləvi Kommunikasiyalar Nazirliyi Radiotezliklər üzrə Dövlət Komissiyası üzərindən LTE-tezliklərin operatorlara, ayrı-ayrılıqda icazələr vermədən, birgə istifadə üçün ayırmaq qərarını qəbul edib.
 
Sonra isə komissiya "Roskomnadzor" tərəfindən elektromaqnit uyğunluğunun ekspertizasının keçirilməsi  və radiotezliklərin ayrılması haqda qərarın qəbul edilməsi qaydalarına dəyişikliklər qəbul edib. Bu dəyişikliklər artıq 2016-cı ilin payız aylarından 800 MHz və 2,5 HHz diapazonlarında LTE tezliklərinin birgə istifadəsinə imkan verəcək.
 
Aynur Vəliyeva



Baxış sayı: 618

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024