12px13px15px17px
Tarix:02/09/15

47 şəhər və rayonda genişzolaqlı internet xidmətlərinin əhatə dairəsi genişləndirilir

Azərbaycanda yeni texnologiyaların tətbiqi və genişzolaqlı internet xidmətlərinin əhatə dairəsinin daha da genişləndirilməsi məqsədilə "Multimedia xidmətlərinin inkişafı" layihəsi işlənib hazırlanıb. "Aztelekom" MMC-nin bir sıra rayon telekommunikasiya qovşaqlarının xidmət ərazilərində reallaşdırılması nəzərdə tutulan Multimedia xidmətlərinin inkişafı" layihəsi maliyyələşdirilməsi üçün bir sıra kredit təşkilatlarına təqdim edilib.
 
Sözügedən layihənin əhəmiyyəti Amsterdam TRADE Bank tərəfindən yüksək qiymətləndirilib və onlar maliyyələşdirmə barədə müvafiq qərar qəbul ediblər.
 
 
"ICTnews" Elektron Xəbər Xidmətinin məlumatına görə, bu layihə çərçivəsində Sumqayıt və Gəncə şəhərlərində, Abşeron, Zaqatala, Şəmkir, Xaçmaz, Göygöl, Ağdam, Bərdə, Tərtər rayonlarında 64 000 nömrə, qeyd olunan rayonlarla yanaşı, digər 47 şəhər və rayonda 100 000-ə yaxın port tutumunun quraşdırılması və istismara verilməsi nəzərdə tutulub.
 
Müasir texnologiyaya əsaslanan stansiya və genişzolaqlı xidmət avadanlıqlarının, fiber-optik və TPP tipli kabellərin satınalınması üçün müvafiq şirkətlərlə müqavilələr bağlanılıb. Avadanlıqlar artıq quraşdırılıb, sazlanaraq şəbəkəyə qoşulub.
 
Qeyd edək ki, bu günə qədər layihənin reallaşdırıldığı 10 telekommunikasiya qovşağının xidmət ərazilərinə daxil olan 130-dan artıq məntəqədə avadanlıqlar quraşdırılıb. Quraşdırılmış avadanlıqların birləşdirici xətlərinin təşkili üçün tələb olunan optik kabellər də çəkilib.
 
 
SEYMUR
 



Baxış sayı: 901

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024