12px13px15px17px
Tarix:03/09/15

“Evlərə optika” layihəsi çərçivəsində internetin sürətinin mənzilə qədər itməsi problemi tamamilə həll ediləcək

Rabitə və Yüksək Texnologiyalar Nazirliyinin (RYTN) Bakı Telefon Rabitəsi İstehsalat Birliyi (BTRİB) tərəfindən “Evlərə optika” layihəsi çərçivəsində avqust ayı ərzində yüzlərlə kilometr uzunluğunda optik kabel çəkilib.

Bakı şəhərində həyata keçirilən bu fəaliyyət optik  şəbəkədə son mildə (abunəçi xətt şəbəkəsində) “FTTx”  sistemi ilə optik şəbəkə avadanlığının geniş tətbiq edilməsi məqsədi ilə həyata keçirilib.
 
Bu barədə “ICTnews” Elektron Xəbər Xidmətinə BTRİB-in baş direktorunun müavini Xankişi Kişiyev məlumat verib. O, paytaxt ərazisində mənzillərə qədər optik kabellərin çəkilməsi prosesinin davam etdiriləcəyini qeyd edərək bildirib ki, min kilometrlərlə uzunluğunda optik xətlərin salınması qarşıya qoyulan əsas məqsədlərdən biridir.
 
 
Mənzillərə qədər optikləşmənin əhaliyə verilən internetin keyfiyyətinə müsbət təsir edəcəyini, internetin keyfiyyətinin daha da yüksəlməsinə gətirib çıxardacağını vurğulayan X.Kişiyevin sözlərinə görə, sözügedən layihə ölkədə digər kommunikasiya xidmətlərinin də genişlənməsinə və inkişafına təsir edəcək.
 
 
Qeyd edək ki, “Evlərə optika” layihəsinin tətbiqi ilə “Baktelekom” abunəçiləri üçün son mill problemi - yəni internetin sürətinin mənzilə qədər itməsi problemi tamamilə həll ediləcək. Son mill probleminin tamamilə həll edilməsi üçün FTTH (optik kabelin evə çəkilməsi), FTTB (optik kabelin binaya, tikiliyə çəkilməsi) və FTTC (optik kabelin yol kənarına çəkilməsi) işləri həyata keçirilərək BTRİB şəbəkəsinə inteqrasiya olunacaq.
 
Bunun da nəticəsində bir optik lif ilə SİP və H.248 protokol bazasında səs xidmətlərinin, yüksəksürətli internetin (Ethernet 10/100 və 10/100/1000), İPTV və VoD da daxil olmaqla IP üzərindən rəqəmli televiziya xidmətinin, RF overlay video xidmətlərinin yüksək keyfiyyətlə istifadəçiyə çatdırılmasını təmin edəcəkdir.
 
 
Seymur Qasımbəyli



Baxış sayı: 785

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Mart 2024

18 03 2024