12px13px15px17px
Tarix:09/09/15

Azərbaycanlı iş adamları San-Marino Respublikasının İKT və infrastruktur sahələrinə investisiya qoyuluşunu həyata keçirə bilərlər

Azərbaycanlı iş adamları San-Marino Respublikasının informasiya və kommunikasiya texnologiyaları  (İKT) və infrastruktur sahələrinə investisiya qoyuluşunu həyata keçirə bilərlər.
 
Bununla bağlı məsələ İqtisadiyyat və Sənaye Nazirliyində (İSN) nazir Şahin Mustafayevlə Azərbaycanda səfərdə olan San-Marino Respublikasının xarici işlər naziri Paskal Valentini arasında keçirilən görüşdə müzakirə edilib.
 
 Nazirlikdən bildirilib ki, Ş. Mustafayev səfər çərçivəsində iki ölkə arasında imzalanmış ikiqat vergitutmanın aradan qaldırılması və diplomatik və xidməti pasportlara malik şəxslərin vizadan azad edilməsinə dair sənədlərin ölkələrimiz arasında əlaqələrin inkişafına müsbət təsir göstərəcəyini bildirib.
 
 Sərmayələrin təşviqi və qarşılıqlı qorunması haqqında Saziş layihəsi isə razılaşdırma mərhələsindədir. İş adamları arasında əlaqələrin qurulmasının vacibliyini qeyd edən Şahin Mustafayev imzalanmış sənədlərin və qarşılıqlı səfərlərin bu baxımdan əhəmiyyətini qeyd edib, informasiya və kommunikasiya texnologiyaları, sənaye, neft-kimya, turizm və alternativ enerji sahələrində əməkdaşlıq imkanlarını diqqətə çatdırıb.
 
 
Xarici işlər naziri Paskal Valentini də iqtisadi sahədə ölkələrimiz arasında əlaqələrin inkişafına dair fikirlərini bölüşüb, San-Marinonun İKT, turizm, infrastruktur sahələrinə investisiya qoyuluşu imkanlarını qeyd edib.
 
 
Həqiqət İSABALAYEVA



Baxış sayı: 458

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024