İKT

Tarix:18/09/15

2016-cı ildə smartfonların yarısı “NFC” texnologiyasını dəstəkləyəcək

2016-cı ildə satılacaq smartfonların yarıdan çoxu (52,4 faiz) mobil ödənişlər sahəsinin ən populyar “NFC” texnologiyasını dəstəkləyəcək. Bu barədə “Strategy Analytics” şirkətinin hesabatında deyilir.

İlkin məlumatlara görə, bu il satılan smartfonların yalnız 39,8 faizi bu funksiyaya malik olub.

“Strategy Analytics” nümayəndələri qeyd edirlər ki, “NFC” funksiyası ilə təchiz edilən yeni smartfonların faiz nisbəti artmaqda davam edərək 2020-ci ildə 71,8 faizə çatacaq.

Hazırda texnologiyadan "Apple Pay”, “Android Pay” və “Samsung Pay” kimi populyar mobil ödəniş sistemləri istifadə edir.

“Near Field Communication” (NFC) - 10 santimetrə yaxın məsafədə yerləşən qurğular arasında məlumat mübadiləsinə imkan verən kiçik təsir radiuslu yüksəktezlikli simsiz rabitə sistemidir. Bu texnologiya ilə təchiz olunmuş qurğuların köməyi ilə istifadəçilər kontaktsız üsulla ödəniş edə (mal və ya xidmət, nəqliyyatda gediş haqqı və s. ödənişlər), eləcə də müxtəlif mallar haqqında məlumat ala bilərlər, - “Payspacemagazine” yazır.

Baxış sayı: 494