İKT

Tarix:21/09/15

İnformatika müəllimləri arasında keçirilən “Ən yaxşı videotədris resursu” müsabiqəsinə işlərin qəbulunun müddəti uzadılıb

İnformatika müəllimləri arasında keçirilən “Ən yaxşı videotədris resursu” müsabiqəsinə işlərin qəbulunun müddəti uzadılıb. Belə ki, işlərin qəbulu oktyabr ayının 15-nə kimi davam edəcək.

Təşkilat Komitəsindən qeyd edilib ki, müsabiqəyə keçmiş illərdə təqdim olunan işlərlə “informatik.az” saytının “Videoresurs müsabiqəsi” bölümündə tanış olmaq mümkündür.

İşlərin linki “informatik-az@mail.ru” ünvanına göndərilməlidir.

Şərtlərə əsasən, hər iştirakçıdan yalnız bir iş qəbul olunur; videomaterial Azərbaycan dilində olmalıdır; videoçarx informatika dərsliklərinin bir mövzusuna həsr olunmalıdır (mövzunun izahı verilməlidir); videoresursu “youtube.com” saytında yerləşdirib, onun linkini göstərilmiş ünvana göndərmək lazımdır.

Həqiqət İSABALAYEVA

Baxış sayı: 543