İKT

Tarix:21/09/15

Azərbaycanda yeni elektron xidmət yaradılacaq

Daxili İşlər Nazirliyinin kollegiyası “Nəqliyyat vasitələrinin zədələnməsinə dair arayışın verilməsi üzrə inzibati reqlament”i təsdiq edib.

“ICTnews” elektron xəbər xidmətinin məlumatına görə, bu xidmət nəqliyyat vasitələrinin zədələnməsinə dair arayışın verilməsi üçün elektron müraciətin qəbul edilməsini, baxılmasını və baxılmanın nəticəsindən asılı olaraq müvafiq arayışın verilməsini nəzərdə tutur.

Elektron xidməti Daxili İşlər Nazirliyinin Baş Dövlət Yol Polisi İdarəsi göstərəcək.

Hüquqi və fiziki şəxslərin etdiyi e-müraciət aidiyyəti DYP qurumunda baxılaraq həmin nəqliyyat vasitəsinin iştirakı ilə qeydə alınmış yol-nəqliyyat hadisəsinin sənədləşdirilməsinə dair materiallara əsasən “Nəqliyyat vasitəsinin zədələnməsinə dair arayış” (əlavə №2) tərtib olunacaq və aidiyyəti DYP qurumunun rəhbəri tərəfindən imzalanacaq və möhürlə təsdiq olunacaq.

Əgər sorğu olunan nəqliyyat vasitəsinin iştirakı ilə baş vermiş yol-nəqliyyat hadisəsi DYP qurumunda qeydiyyata alınmamışdırsa, avtomobilin sahibi qabaqcadan məlumatlandırılmaqla DYP qurumunun əməkdaşı tərəfindən zədələnən nəqliyyat vasitəsinin olduğu yerdə ona və zədələnmənin baş verdiyi əraziyə baxış keçirilərək yol-nəqliyyat hadisəsi sənədləşdiriləcək. Baxışın keçiriləcəyi tarix və vaxt barədə zədələnən nəqliyyat vasitəsinin sahibinə elektron poçt vasitəsi ilə azı bir gün əvvəl məlumat veriləcək.

Sorğunun nəticəsi üzrə tərtib olunmuş arayışın skan edilmiş surəti, həmçinin arayışın əslinin verilməsinin tarixi, vaxtı və yeri barədə istifadəçinin elektron poçt ünvanına bildiriş göndəriləcək.

Elektron xidmətin icra müddəti 5 iş günü təşkil edəcək.

CAHANGİR

Baxış sayı: 545