İKT

Tarix:29/09/15

Bakıda növbəti “Oracle Day 2015” seminarı keçiriləcək

Bakıda oktyabrın 7-də yeni texnologiyalara həsr olunmuş növbəti “Oracle Technology Day 2015” konfransı keçiriləcək.

“ICTnews” xəbər xidmətinin məlumatına əsasən, “Oracle Technology Day” konfransı biznes-dialoq, təcrübə və məlumat mübadiləsi, aktual sualların və məsələlərin müzakirəsi üçün effektiv meydandır.

Konfrans iştirakçıları yeni mobil və sosial texnologiyalar, “Oracle” məhsulları, həmçinin yeni nəsil bulud texnologiyaları haqda məlumat əldə edəcəklər.

Tədbir şirkətin Bakıdakı lokal ofisi və onun tərəfdaşları olan “R.I.S.K.”, “Sinam” və “ULTRA Technologies” şirkətlərinin dəstəyi ilə keçiriləcək. Konfransın platin sponsoru “Intel” korporasiyası olacaq.

Aynur Vəliyeva

Baxış sayı: 482