12px13px15px17px
Tarix:20/10/15

2014-2020-ci illərdə qlobal «IPTV» bazarının orta illik artım sürəti 18,1 faiz təşkil edəcək

«Transparency Market Research» agentliyinin tədqiqatçılarının proqnozuna görə, «IPTV» bazarı sorğu üzrə video və «HD» formatlı məzmuna tələbatı artıracaq. Analitiklərin məlumatına görə, 2014-2020-ci illərdə qlobal «IPTV» bazarının orta illik artım sürəti 18,1 faiz təşkil edəcək: 2013-cü ildə 29,94-dən 2020-ci ildə 79,38 milyard dollaradək yüksələcək.
 
«ICTnews.az» saytı «tdaily.ru» saytına istinadən yazır ki, əsas «IPTV» xidmətlərinə inteqrasiya olunan interaktiv həllər, «IPTV» provayderlərinin xidmət dəyərinin azalması, həmçinin bütövlükdə televiziya baxışı texnologiyalarının inkişafı «IPTV» bazarının hərəkətverici qüvvəsidir.
 
Analitiklər bildirirlər ki, «IPTV» yalnız kütləvi xidmətlər bazarında deyil, həm də korporativ seqmentdə aktiv tələbata malikdir.
 
«Transparency Market Research» şirkətinin hesabatına əsasən, Avropa hələ   2013-cü ildən qlobal «IPTV» bazarında liderdir, dünya bazarının 38 faizi onun payına düşür, region, həmçinin artım tempinə görə fərqlənir: bu, xidmətin ucuzluğu, genişzolaqlı internetə çıxışın nüfuzetmə səviyyəsinin artması, həmçinin müvafiq infrastrukturun inkişafı ilə izah edilir.
 
Lakin 2014-dən 2020-ci ilədək dövrdə Asiya-Sakit okean regionu (Yaponiya istisnadır) liderliyə yüksələcək: «IPTV» bazarının orta illik artım sürəti 21,1 faiz təşkil edəcək.
 
Emil Hüseynov




Baxış sayı: 494

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Mart 2024

27 03 2024