İKT

Tarix:20/10/15

İnformasiya Texnologiyalarının İnkişafı Dövlət Fondu startapların maliyyələşdirilməsini nə vaxt həyata keçirəcək?

Azərbaycan Rabitə və Yüksək Texnologiyalar Nazirliyi tabeliyində İnformasiya Texnologiyalarının İnkişafı Dövlət Fondu ikinci qrant müsabiqəsinin qalibi olan 16 layihənin maliyyələşdirilməsini hələ də həyata keçirməyib.

"ICTnews" xəbər xidmətinin məlumatına əsasən, layihələrin maliyyələşdirilməsi üçün tələb olunan hüquqi-normativ aktlardan biri olan "Qrant haqqında" qanunda tətbiq edilmiş dəyişikliklərə əsasən qrantların ayrılması üzrə qaydalar Azərbaycan Nazirlər Kabineti tərəfindən təsdiqlənib.

"Maliyyələşməni həyata keçirmək üçün qrantların maliyyələşməsi ilə məşğul olacaq qurumların siyahısı təsdiq edilməlidir. Məhz bundan sonra biz maliyyələşməni həyata keçirə biləcəyik", - deyə fonddan bildiriblər.

Xatırladaq ki, Fondun Müşahidə Şurası 2-ci qrant müsabiqəsi çərçivəsində 129 layihə qəbul olunmuşdur. İlkin və kompleks ekspertizadan keçən 62 layihə Fondun Müşahidə Şurasına təqdim olunub. Müşahidə Şurası tərəfindən 30 layihənin maliyyələşdirilməsi ilə bağlı qərar qəbul edilib. Hazırda isə artıq üçüncü qrant müsabiqəsi elan edilib və bu ayın sonunadək müsabiqə çərçivəsində layihələrin qəbulu başa çatacaq.

Aynur Vəliyeva

Baxış sayı: 520