İKT

Tarix:29/10/15

Xəzər Universitetində tələbə işləri üzrə məlumat sisteminin təqdimatı keçiriləcək

Oktyabrın 30-da Xəzər Universitetində tələbə işləri üzrə məlumat sisteminin təqdimatı keçiriləcək.

Sözügedən sistem Xəzər Universiteti Texnoparkında hazırlanıb və sistem təhsilin elektron idarə edilməsini təmin edən platformadır. Artıq iki ildir ki, Xəzər Universitetində bu sistem istismar edilir.

Qeyd edək ki, Xəzər Universiteti keyfiyyətli, dünya ilə səsləşən tədrislə yanaşı, elm və texnologiyanın inkişafı sahəsində, Azərbaycanın maraqlarını mərkəzə qoymaqla beynəlxalq aləmə inteqrasiya sahəsində ciddi işlər görür, zəruri olan sahələrdə xaricdən mütəxəssislər cəlb edir. Universitet mühəndislik və tətbiqi elmlərin inkişafını prioritet sahə elan edib, laboratoriyalar yaradır, yüksək texnologiyalar üzrə mütəxəssisləri (xariciləri, həmçinin xaricdə yaşayan azərbaycanlı alimləri) işə dəvət edir.

Elektronika, tibb mühəndisliyi, yenilənə bilən enerji, inşaat materialları, neft mühəndisliyi, hüceyrə araşdırmaları və əsas təbiət elmləri üzrə laboratoriyalar qurulub və ya qurulmaq üzrədir və s.

Həqiqət İSABALAYEVA

Baxış sayı: 580