İKT

Tarix:31/10/15

Onlayn sifarişlər sərnişin avtobusları ilə çatdırılacaq

Almaniyanın “Sennder” şirkəti Avropa İttifaqı ərazisində internet sifarişlərinin sərnişin avtobusları ilə çatdırılması xidmətini istifadəyə vermək niyyətindədir. Yüklərin bu üsulla çatdırılması onların daşınma müddətini azaltmağa və beynəlxalq xərclərini azaltmağa imkan verəcək.

Şirkət artıq Avropanın bir neçə sərnişindaşıma avtobus operatoru ilə yüklərin daşınması ilə bağlı razılıq əldə edib.

Bildirilir ki, yüklərin yaşayış məntəqəsi ərazisində çatdırılma yerli daşıyıcıların nəqliyyat vasitələri ilə həyata keçiriləcək.

Layihəyə lokal tərəfdaşların qoşulması ilə bağlı danışıqlar isə davam etdirilir.

Yüklərin avtovağzalların yaxınlığında yerləşən çeşidləmə mərkəzlərində qəbulu nəzərdə tutulur.

“Sennder” həmtəsisçisi Nikolas Stefanın sözlərinə görə, ilk növbədə kiçikqabaritli bağlamalar üçün nəzərdə tutulan xidmət şirkətin qurulan nəqliyyat infrastrukturunun tərkib hissəsi olacaq. Bura həmçinin ənənəvi çatdırılma üsulları daxildir. O, bu yeniliyin ümumilikdə xidmətlərin keyfiyyətinə müsbət təsir göstərəcəyinə əminliyini ifadə edib, - “Payspacemagazine” yazır.

Baxış sayı: 556