İKT

Tarix:10/11/15

“Nar” şirkəti Göyçayda keçirilən “Nar festivalı”nda iştirak edib

“Nar” mobil rabitə operatoru Azərbaycanın Göyçay şəhərində milli adət-ənənələri nümayiş edən “Nar festivalı”nda yaxından iştirak edib.

“ICTnews” xəbər xidmətinin məlumatına əsasən, “Nar”ın bu tədbirdə iştirakı həm də mobil operatorun brend ideyası ilə bağlı idi.

“Nar” festivalının Göyçayda keçirilməsi təsadüfi deyil, çünki məhz bu rayonda Azərbaycanın ən dadlı narı yetişir. Festival çərçivəsində bayraq paradı keçirilib və rayonun gəncləri əyləncəli proqramla çıxış ediblər.
Mobil operator isə Göyçay əhalisinə dörd “Nar” nömrəsi arasında bu ilin sonuna kimi pulsuz danışıq imkanı təqdim edən yeni “Ailəm paketi” haqda daha ətraflı məlumat verdi və xüsusi stendində müxtəlif viktorinalar və yarışlar keçirərək qalibləri mobil qurğu və digər prizlərlə mükafatlandırdı.

“Ailəm paketi”nə bu gün qoşulan istifadəçilər, həmçinin gələn ildən etibarən şəbəkə daxilində dəqiqəsi bir qəpikdən danışmaq imkanı əldə edəcəklər.

Festival çərçivəsində rayonun nardan istehsal etdiyi müxtəlif doşablar, mürəbbələr, salatlar, maketlər və digər ekspozisiyalar, milli mədəni irsə aid olan məişət avadanlıqları və xalçalar nümayiş etdirilib.

Aynur Vəliyeva

Baxış sayı: 503