İNTERNET

Tarix:13/11/15

«Bluetooth» texnologiyasının əhatə radiusu 4 dəfə artırılacaq

«Bluetooth Special Interest Group» («SIG») təşkilatının nümayəndələri 2016-cı ildə qəbulu planlaşdırılan yenilənmiş «Bluetooth» texnologiyasının spesifikasiyasının bəzi xüsusiyyətləri haqda danışıb.

«ICTnews.az» saytı «hitech.newsru.com» saytına istinadən yazır ki, planlaşdırılan dəyişikliklər «Bluetooth» texnologiyasının «əşyaların interneti» («IoT») sahəsində istifadəsinə aiddir. İstehsalçılar rabitə məsafəsini artırmaq və məlumatların ötürülməsi sürətini yüksəltmək niyyətindədir.

Nəzərdə tutulan yeniliklər «əşyaların interneti» konsepsiyasının inkişafını sürətləndirməlidir. Belə ki, «Bluetooth Smart» texnologiyasının əhatə radiusunu 4 dəfə artırmaq planlaşdırılır ki, bu da bütün evi əhatə edən və ya açıq havada işləyən sistemlər üçün daha etibarlı qoşulmanı təmin edəcək.

Emil Hüseynov

Baxış sayı: 728