İNTERNET

Tarix:17/11/15

Bakıda “Oracle Business Applications” konfransı keçirilib

Bu gün Bakıda “Oracle” şirkəti tərəfdaşları üçün "Oracle Business Applications" konfransını keçirib.

"ICTnews" xəbər xidmətinin məlumatına əsasən, konfransı açıq elan edən “Oracle” şirkətinin nümayəndəliyinin rəhbəri Zaur İbrahimov bildirib ki, reformalar və rəqabət şəraitində fəaliyyət göstərən Azərbaycan İT şirkətləri “Oracle”ın həllərini istifadə etməklə bir sıra üstünlüklər əldə edə bilərlər.

“Oracle şirkətin həlləri müəssisələrə bizneslərinin effektivliyini təmin etmək üçün detallı təhlillər həyata keçirməyə və onların tələbatlarına uyğun effektiv biznes strategiyaları tərtib etməyə imkan verə bilər. Bugünkü tədbir bizim tərəfdaşlarımız üçün yeni həllər haqda daha ətraflı məlumat almaq məqsədi ilə təşkil edilib və ümid edirik ki, əldə edilən biliklər müəssisələrə səmərəli biznes fəaliyyəti həyata keçirməyə kömək edəcək”, - deyə Z. İbrahimov qeyd edib.

Tədbir çərçivəsində "Oracle" şirkətinin Türkiyədə və Azərbaycanda satışlar üzrə əsas məsləhətçisi Ognen Klavaş mövcud olan biznes əlavələrin inkişaf tendensiyaları, "bulud" texnologiyaları haqda ətraflı məlumat təqdim edib.

"Oracle" şirkətinin Qafqazda və Mərkəzi Asiyada satış üzrə məsləhətçisi Günel Əzimova şirkətin lokal tərəfdaşlarına büdcələndirmə və planlaşdırma üzrə həllərinin tətbiqinin təqdim etdiyi üstünlüklər, "bulud" mühitində işləyərək daha yaxşı təcrübəni istifadə etməklə şirkətin inkişafına nail olmağın yolları, müasir ERP və HCM-həllər haqda bəhs edib.

Aynur Vəliyeva

Baxış sayı: 718