İKT

Tarix:19/11/15

ƏMDK iki elektron xidmətinin inzibati reqlamentini təsdiqləyib

Əmlak Məsələləri Dövlət Komitəsinin (ƏMDK) kollegiyası iki elektron xidmətin inzibati reqlamentini təsdiq edib.

“ICTnews” elektron xəbər xidmətinin məlumatına görə, bu, “Səhmdar cəmiyyətlərinin səhmlərinin və ya səhm zərflərinin ixtisaslaşdırılmış pul hərraclarında satışına dair sifarişlərin qəbulu” və “Kiçik dövlət müəssisələrinin (obyektlərinin) əmək kollektivi üzvlərinə güzəştli satışı” e-xidmətlərinin inzibati reqlamentləridir.

“Səhmdar cəmiyyətlərinin səhmlərinin və ya səhm zərflərinin ixtisaslaşdırılmış pul hərraclarında satışına dair sifarişlərin qəbulu” elektron xidməti səhmdar cəmiyyətlərinin səhmlərinin və ya səhm zərflərinin satışı üzrə keçirilən ixtisaslaşdırılmış pul hərraclarında fiziki və hüquqi şəxslər tərəfindən I və II növ sifarişlərin verilməsini əhatə edir.

“Kiçik dövlət müəssisələrinin (obyektlərinin) əmək kollektivi üzvlərinə güzəştli satışı” e-xidmətinə kiçik dövlət müəssisələrinin ilkin qiymətinin 15 faizinin əmək kollektivinin üzvlərinə və onlara bərabər tutulan şəxslərə güzəştli satışı daxildir.

CAHANGİR

Baxış sayı: 524