İKT

Tarix:19/11/15

Bakıda “IBM Security Systems – həmişə təhdidlərdən bir addım öndə” mövzusunda konfrans keçirilir

Bu gün Bakıda “Təhdidlərdən bir addım öndə. IBM Security Systems” mövzusunda konfrans öz işinə başlayıb.

“ICTnews” xəbər xidmətinin məlumatına əsasən, tədbirdə “IBM” şirkətinin Azərbaycan ofisinin rəhbəri İlya Kravtsov “bulud” servislərinə artan tələbat fonunda İT sistemlərin təhlükəsizliyinin təmin edilməsinin böyük əhəmiyyət daşıdığını qeyd edib.

“Azərbaycan bazarı bizim üçün böyük önəm kəsb edir və bu il ərzində biz artıq müəyyən artıma nail olmuşuq. Gələn il bu tendensiyanı davam etmək niyyətindəyik”, - deyə yerli ofisin rəhbəri bildirib.

Ən son tendensiyaları nəzərə alaraq şirkətin mütəxəssisləri bu sahədə yeni proqramları təqdim etdilər.

Konfrans çərçivəsində şirkətin eksperti Andrey Kuzmenko “IBM Security-nin açılışı. IBM-in müasir təhdidlərdən mühafizə üzrə məhsul xəttində əsas trendlərin və yenilənmələrin icmalı”, “IBM Security Maas360” və “IBM Endpoint Manager” vasitəsi ilə infrastrukturun təhlükəsizliyinin idarə edilməsi, Oleq Bakşinskiy “IBM Security Qradar. Təhlükəsizlik monitorinqi üçün əsas və infrastrukturun insidentlərinin idarə edilməsi” və “IBM Security Trusteer. Onlayn banking sistemlərində fırıldaqçılıq risklərini necə minimallaşdırırıq”, Roman Andreyev “IBM Security Network Protection. Yeni nəsil infrastrukturun mühafizəsi” mövzularında şirkətin mütəxəssisləri məruzələrini təqdim ediblər.

Aynur Vəliyeva

Baxış sayı: 550