İKT

Tarix:19/11/15

“Juniper Networks” Azərbaycan bazarına qiymət, funksional və keyfiyyət nisbətində ən optimal mühəndis həlləri təqdim edib

Bakıda “Juniper Networks” şirkətinin virtuallaşma, kommutasiya və təhlükəsizlik həlləri üzrə seminarı keçirilir.

“ICTnews” xəbər xidmətinin məlumatına əsasən, şirkətin Rusiya və MDB-də satış üzrə direktoru Pavel Kuçeruk bildirib ki, Azərbaycan bazarı MDB məkanında əhəmiyyət səviyyəsinə görə ilk üçlüyə daxildir.

“Hazırda bütün dünyada müşahidə olunan böhran şəraitində bizim universal mühəndis həllərimiz üzrə sifarişlər daha da artır. Çünki bu həllər daha sərfəli qiymətə optimal və effektiv infrastruktur yaratmağa imkan verir. Bundan başqa bizim həllərin üstünlüyü həm də ondadır ki, onlar digər dünya səviyyəli vendorların həllərinə “bulud”da və s. infrastrukturlarda asanlıqla inteqrasiya edilirlər”, deyə P. Kuçeruk qeyd edib.

Seminar çərçivəsində “Juniper Networks” şirkətinin MDB üzrə mühəndisi Kanat İlyasov “Juniper Networks-un marşrutlaşdırma və kommutasiya həllərinin icmalı” və “Juniper Networks-un təhlükəsizlik üzrə həllərinin yenilənmələri və icmalı”, Rusiya və MDB üzrə mühəndisi Dmitriy Karyakin “Məlumat emalı mərkəzinin yaradılması arxitekturası” və “Virtuallaşdırılmış “vMX” və “vSRX” məhsulları” mövzularında məruzələrlə çıxış ediblər.

Aynur Vəliyeva

Baxış sayı: 468