İKT

Tarix:24/11/15

“Elektron hökumət” portalındakı e-xidmətlərdən 17 milyondan çox istifadə olunub

“Elektron hökumət” portalındakı elektron xidmətlərdən istifadə sayı dinamik şəkildə artmaqdadır.

“ICTnews” elektron xəbər xidmətinin portala istinadən verdiyi məlumata görə, 2012-ci ilin aprel ayında istifadəyə verilən “e-gov.az”-a indiyədək müraciət edənlərin sayı 2,6 milyonu ötüb.

Bu dövr ərzində e-xidmətlərdən ümumi istifadə sayı 17 milyonu keçib.

Son iki il ərzində portal istifadəçilərinin sayı 10 dəfə, e-xidmətlərdən ümumi istifadə sayı 24 dəfə artıb.

Qeyd edək ki, istifadəyə verilən zaman portala 16 dövlət qurumu üzrə 50-ə yaxın elektron xidmət inteqrasiya olunmuşdu. Hazırda isə portal üzərindən xidmət göstərən qurumların sayı 45, təqdim edilən xidmətlərin sayı isə 432-yə çatdırılıb.

CAHANGİR

Baxış sayı: 531