12px13px15px17px
Tarix:27/11/15

Milli İnternet Mükafatının qalibləri dekabrda elan ediləcək

“MilliNet-2015” Milli İnternet Mükafatının qalibləri dekabrın ikinci yarısında elan ediləcək.
 
“ICTnews” Elektron Xəbər Xidmətinin məlumatına əsasən, bu il müsabiqəyə 14 nominasiya üzrə 374 sayt təqdim edilib, bu isə ötən illə müqayisədə 14 faizədək çoxdur.

“MilliNet” Təşkilat Komitəsi bildirib ki, müsabiqə qaydalarına uyğun olaraq səsvermə 2 mərhələdə həyata keçirilir. Hazırda,  1-ci mərhələ üzrə səsvermə davam edir. Bu mərhələdə səsvermənin nəticələrinə əsasən, bütün nominasiyalar üzrə ikinci mərhələyə keçəcək nominantlar müəyyən olunacaq.

İkinci səsvermə mərhələsi dekabrın 2-də başlayacaq və dekabrın 11-də saat 00:00-da yekunlaşacaq.

Münsiflərin Milli İnternet Mükafatının finalçılarına verdikləri qiymətlər yalnız dekabrın 2-ci dekadasında keçiriləcək təqdimat mərasimində açıqlanacaq.
 
Bu arada Mükafatın Təşkilat Komitəsi bildirib ki, bu müddət ərzində saytlarını təqdim edənlər və müxtəlif problemlər səbəbindən müsabiqəyə buraxılmayanlar 1-ci səsvermə müddəti bitənədək yenidən müraciət hüququnu özlərində saxlayırlar. Belə ki, bu kimi problemlə qarşılaşan saytlar üçün son qəbul tarixi noyabrın 30-na qədərdir.

Müsabiqə “Azercell Telekom” şirkətinin sponsorluğu, Azərbaycan Rabitə və Yüksək Texnologiyalar Nazirliyinin, “Delta Telecom” və “Best Comp” şirkətlərinin dəstəyi ilə keçirilir.
 
Aynur Vəliyeva



Baxış sayı: 711

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024