İKT

Tarix:17/09/11

“AT&T” mobil rabitə əlaqəsi “LTE” şəbəkəsini işə salır

“AT&T Mobility” mobil rabitə əlaqəsi sentyabr ayının 18-də ABŞ-ın 5 regionunda “Long Term Evolution” (LTE) texnologiyası üzrə xidmət göstərməyə başlayacaq.

Bu barədə “AT&T”-nin maliyyə direktoru Con Stivens bildirib. Məlumat üçün bildirək ki, “Long Term Evolution” texnologiyası mobil telefonlar üçün məlumat bazasıdır.

Operator may ayında bildirib ki, “LTE” texnologiyası Atlanta, Çikaqo, Dallas, Hyuston və San-Antonioda işə salınacaq. Şirkət ilin sonuna kimi ölkənin 15 regionunda “LTE” xidməti göstərməyi planlaşdırır.

“AT&T” mobil rabitə əlaqəsi “LTE” texnologiyasının işə salınmasına qədər artıq bazara bu texnologiyanı dəstəkləyən bir sıra qurğular çıxarıb.

Belə ki, şirkət avqust ayının 21-də Sierra Wireless tərəfindən hazırlanan “Momentum USB Connect 4G” modeminin və “Mobile Hotspot Elevate 4G” çıxış nöqtələrinin satışına başlayıb. Qurğuları müvafiq olaraq 49,99 və 69,99 dollara əldə etmək olar.

Bundan əlavə, yaxın vaxtlarda şirkət “LTE” dəstəkli planşetin satışına başlayıb. Həmçinin, ilin sonuna satışa “LTE” smartfon çıxacağı gözlənilir.

Yeni şəbəkədə yalnız məlumatların ötürülməsini dəstəkləyən qurğu istifadəçiləri üçün 5 GB-lıq trafik paketinin qiyməti 50 dollar olacaq.

Baxış sayı: 1131