İNTERNET

Tarix:03/12/15

Azərbaycanda “Dropbox”un analoqu olan “Nar Cloud” texnologiyası təqdim edilib

"Nar" şirkəti "Bakutel 2015" sərgisi çərçivəsində ilk dəfə olaraq "Dropbox"un yerli analoqu olan yeni "Nar Cloud" texnologiyasını təqdim edib.

"ICTnews" elektron xəbər xidmətinin məlumatına əsasən, sərgi çərçivəsində təşkil olunmuş təqdimatda şirkətin rəhbəri Kent Maknilli bildirib ki, bu yeni innovasiya "Nar" abunəçilərinə mobil qurğularında onlara məxsus şəkilləri və digər faylları "bulud"da saxlamağa və digər qurğulardan sistemə daxil olaraq bu fayllardan istifadə etməyə imkan verir.

K. Maknili onu da qeyd edib ki, "Nar" gələn ilin ortalarına kimi "4G" şəbəkəsində baza stansiyalarının sayını 1000-ə çatdıracaq.

"Hazırda "Nar" şəbəkəsində 5450 baza stansiyası və 11 min "4G" xidməti istifadəçisi mövcuddur. Bundan başqa, gələn il "LTE Advanced" texnologiyası tətbiq ediləcək", - deyə şirkət rəhbəri bildirib.

Aynur Vəliyeva

Baxış sayı: 793