İNTERNET

Tarix:03/12/15

Dünyada ən sürətli ödənişsiz «Wi-Fi» hansı ölkədədir?

«Rotten Wi-Fi» xidməti tərəfindən keçirilmiş tədqiqatın nəticələrinə əsasən, ictimai yerlərdə təqdim olunan ən sürətli ödənişsiz «Wi-Fi» Litvada qeydə alınıb. Reytinq istifadəçilərin sorğusu əsasında tərtib edilib. «Wi-Fi» nöqtələrinin sürət və keyfiyyəti dünyanın 184 ölkəsində sınaqdan keçirilib.

Böyük Britaniyada «Rotten» internet xidməti tərəfindən keçirilmiş tədqiqatın nəticələrinə əsasən, cari ildə Litvada simsiz şəbəkənin sürəti 16,1 Mbit/s (ötən il 15.40 Mbit/s) təşkil edib.

«ICTnews.az» elektron xəbər xidməti «comnews.ru» resursuna istinadən yazır ki, «Rotten Wi-Fi» servisi müxtəlif ölkələrdə «Wi-Fi» şəbəkələri haqda məlumatın toplanılması üçün nəzərdə tutulub.

Estoniya ən yaxşı ödənişsiz «Wi-Fi» sürətinə malik ölkələrin reytinqində ikinci pilləni tutub: yükləmənin orta sürəti 14,8 Mbit/s təşkil edib. 13.1 Mbit/s sürətinə malik Sinqapur növbəti pillədə qərarlaşıb.
Böyük Britaniya ötən il olduğu kimi, 6-cı pillədə yer alıb. Bu ölkədə internetin orta sürəti cüzi artaraq 11,7 Mbit/s (2014-cü ildə 10,97 Mbit/s olub) təşkil edib.

İsveçrə və Niderland sözügedən reytinqin müvafiq olaraq dördüncü və beşinci pillələrində qərarlaşıblar. İlk onluqda, həmçinin Danimarka, İrlandiya, Belçika və Rumıniya ölkələri yer alıb.

2015-ci ildə ABŞ ən yaxşı ödənişsiz «Wi-Fi» sürətinə malik ölkələrin «top-20»-liyinə daxil edilməyib. Qeyd edək ki, ötən il ABŞ 6,89 Mbit/s internet sürəti ilə sonuncu pilləni tutmuşdu.

Reytinqə daxil edilmiş ölkələrin əksəriyyəti Avropada, yalnız ikisi Şimali Amerika və Asiyada yerləşir.

Emil Hüseynov

Baxış sayı: 833