12px13px15px17px
Tarix:05/12/15

“Bakutel 2015” sərgisi öz işini uğurla yekunlaşdırdı

2 dekabr tarixindən etibarən Rabitə və Yüksək Texnologiyalar Nazirliyinin dəstəyi ilə Bakı Expo Mərkəzində ziyarətçiləri qəbul edən "Bakutel 2015" XXI Azərbaycan Beynəlxalq Telekommunikasiya və İnformasiya Texnologiyaları Sərgisi bu gün öz işini yekunlaşdırdı.


Sərgidə 200-dən artıq şirkət iştirak edib. Yeni şirkətlərin diqqətini cəlb edən sərgidə bu il debütantların sayı iştirakçıların ümumi sayının 15 faizini təşkil edib. 
 
Prezident İlham Əliyevin hər il olduğu kimi, bu il də sərgini ziyarət etməsi bu qlobal İKT tədbirinin yüksək nüfuzundan xəbər verir.
 
Bu il sərginin fəxri qonağı qismində dünyanın ən nəhəng axtarış sistemi olan "Google" şirkəti öz  yeni platforması ilə iştirak edib. "Cultural Institute" adlanan platforma dünyanın bütün muzey, sərgi və s. maraqlı, görməli yerlərini əhatə edir.
 
CERN - Avropa Nüvə Tədqiqatları Təşkilatının öz stendi ilə sərgidə iştirakını nüvə tədqiqatları üzrə Azərbaycanda həyata keçirilən tədbirlərə töhfə kimi dəyərləndirmək olar.



Birləşmiş Ərəb Əmirliklərinin Dubay Əmirliyi İqtisadi İnkişaf Nazirliyinin İxrac İnkişaf Korporasiyasının ("Dubai Exports") iştirakı da diqqətçəkən məqamlardan oldu.



Azərbaycan Prezidentinin Sərəncamı ilə 2015-ci ildə yaradılan Mingəçevir Yüksək Texnologiyalar Parkının ilk rezidenti olan "HTECH Invest" şirkəti də iştirakçılar sırasında idi.



Prezident İlham Əliyevin iştirakı ilə "Azerspace-2" peykinin orbitə çıxarılması barədə "Azərkosmos" ASC ilə Fransanın "Arianespace" şirkəti arasında imzalanan müqavilə isə "Bakutel 2015" sərgisi çərçivəsində baş tutan ən əlamətdar hadisə kimi xarakterizə oluna bilər. Müqaviləyə əsasən, "Azerspace-2" peykinin 2017-ci ildə Fransanın "Ariane-5" raketi ilə fransız Qvianasından orbitə çıxarılması nəzərdə tutulub.



18 ildir 33 ölkənin informasiya-kommunikasiya texnologiyaları bazarlarına informasiya təhlükəsizliyinin təmin edilməsi üzrə məhsullarını təqdim edən "Kaspersky Laboratoriya"sı Azərbaycan şirkətləri ilə yeni əməkdaşlıq əlaqələri qurmaq imkanı qazandı.



Ölkəmizin qürurla evsahibliyi edəcəyi "Formula-1" Avropa Qran-pri yarışının stendi ziyarətçilərin ən çox diqqətini çəkən platforma kimi sərgi tarixinə yazıldı.

Sumqayıt Texnologiyalar Parkında yeni istehsal edilən məhsullar, dünyanın ən böyük 100 şirkətindən biri olan Çinin "Huawei" şirkətinin yüksək texnoloji xidmətləri, Almaniyanın Proqram təminatı və biznes həllərinin istehsalçısı olan SAP şirkətinin
 "Smart Azərbaycan" adlı  innovativ  layihəsi,  ABŞ-ın "CISCO Systems" şirkətinin IP-telefoniya sistemləri, "Internet of everything", simsiz şəbəkə, data mərkəzlər üzrə həlləri sərginin kompozisiyasına xüsusi ahəng qatırdı.   



Ümumiyyətlə, "Bakutel 2015"in iştirakçıları arasında aparıcı informasiya-kommunikasiya texnologiyaları şirkətləri, Azərbaycanın mobil rabitə operatorları, internet provayderləri, sistem inteqratorları və tanınmış brendlərin distribüterləri yer alıb. Sərgidə informasiya texnologiyaları sahəsi üzrə yeni nəsil və milli genişzolaqlı internet üzrə həll variantları, 4-5G mobil texnologiyalar, fiber-optik və "bulud" texnologiyaları üzrə xidmətlər, "Elektron hökumət", "Smart Azərbaycan" layihələri üçün yeni texnologiyalar, eləcə də informasiya təhlükəsizliyi məhsulları yer alıb.



BMT, Beynəlxalq Telekommunikasiya İttifaqı və Regional Rabitə Birliyi kimi beynəlxalq təşkilatların dəstəyi, eləcə də Dünya Sərgi Sənayesi Assosiasiyası tərəfindən sərgiyə verilmiş keyfiyyət nişanı "Bakutel" sərgisinə beynəlxalq səviyyədə verilən qiymətin təzahürüdür.

Qeyd edək ki, sərginin təşkilatçıları qismində "Iteca Caspian" və "Caspian Event Organisers" şirkətləri çıxış edir.
 



Baxış sayı: 655

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






28 Fevral 2020

27 02 2020

27/02/20
“Samsung” məlumatların mühafizəsi üçün yeni çip təqdim edib

Müasir smartfonların qarşısında ciddi təhlükəsizlik tələbləri qoyulur. Bir çox qurğular məxfi informasiy

27/02/20
Dünyada ən çox yüklənən proqram hansıdır?

“Facebook” şirkətinə məxsus “WhatsApp” messenceri artıq dünyada ən çox yüklənən proqram deyil. “S

27/02/20
“MWC 2020” sərgisinin ən yaxşı smartfonu açıqlanıb

“Mobile World Congress 2020” sərgisinin təşkilatçıları "Ən yaxşı smartfon" nominasiyasında qalibi elan e

27/02/20
“Huawei P40 Lite” smartfonu təqdim edilib

Çinin “Huawei” şirkəti “P40” və “P40 Pro” qabaqcıl smartfonlarının təqdimatından bir ay əvvəl bu istehsal x

27/02/20
Dünyanın ən güclü smartfonunun xüsusiyyətləri açıqlanıb

“Xiaomi Black Shark 3” oyun smartfonu ən sürətli reaksiyaya malik ekranla təchiz ediləcək. Bu barədə Çini

27/02/20
“LG V60 ThinQ 5G” smartfonu təqdim edilib

“MWC 2020” sərgisini buraxmalı olan “LG” şirkəti “LG V60 ThinQ 5G” adlı qabaqcıl smartfonunu Cənubi Ko

27/02/20
“Samsung” smartfonlar üçün rekord tutumlu operativ yaddaşın istehsalına başlayıb

“Samsung” şirkəti 16 giqabayt tutumlu “LPDDR5” yaddaş çiplərinin kütləvi istehsalına başlayıb.

27/02/20
“SpaceX” şirkətinə Marsa uçacaq kosmik gəminin hazırlanması üçün obyektin inşasına icazə verilib

“SpaceX” özəl aerokosmik şirkətinə “Starship” planetlərarası kosmik gəmisinin yaradılması üzrə layihənin

27/02/20
“Nokia” növbəti əfsanəvi telefonun yenilənmiş versiyasını buraxacaq

“Nokia” şirkəti növbəti əfsanəvi telefonun yenilənmiş versiyasını buraxmaq niyyətindədir. Bu barədə Finla