12px13px15px17px
Tarix:07/01/16

“Microsoft” şirkəti “Internet Explorer” brauzerinin köhnə versiyalarına dəstəyi dayandırır

“Microsoft” şirkəti yanvarın 12-də “Internet Explorer” brauzerinin 8, 9 və 10-cu versiyalarına dəstəyi dayandıracaq.

Şirkət sözügedən brauzer üçün son yeniləmə paketini buraxmağı planlaşdırır, bundan sonra brauzerin adıçəkilən versiyaları üçün yeniləmələrin buraxılışı dayandırılacaq.
 
 
“ICTnews” elektron xəbər xidməti “hi-news.ru” resursuna istinadən yazır ki, dəstəyin dayandırılması o deməkdir ki, “Internet Explorer” brauzerinin köhnə versiyaları üçün təhlükəsizliyi gücləndirən yeniləmələr buraxılmayacaq.
 
Proqram nəhəngi “IE” brauzerinin 8, 9 və 10-cu versiyalarına dəstəyin dayandırılmasını hələ 2014-cü ilin avqustunda planlaşdırmışdı. Ötən ilin martında “Microsoft” şirkətinin rəsmisi bəyan etmişdi ki, bir müddət korporativ sektorda “IE” brauzeri dəstəklənəcək, ancaq daha yeni versiyalara keçid tövsiyə edilib. Amma hələ də dünyada yüz milyonlarla  insan “Internet Explorer” brauzerinin köhnə versiyalarından istifadə edir və “Microsoft”un nümayəndəsi deyir ki, belə kompüterlər risk zonasındadır.
 
Emil Hüseynov




Baxış sayı: 590

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






21 Yanvar 2019

20 01 2019