NRYTN

Tarix:23/02/16

Yüksək Texnologiyalar Parkı yeni layihəyə start verir

Rabitə və Yüksək Texnologiyalar Nazirliyinin Yüksək Texnologiyalar Parkında "Digital Azərbaycan" adlı yeni layihəyə start verilir.

Layihə çərçivəsində internetə çıxışı olan hər bir kəsin bulud texnologiyalarından istifadə edərək şəxsi işin qurulması, qlobal ticarət və ödəniş platformalarına qoşulma, investisiya cəlb etmə, biznes modeli qurma, yerli məhsul və xidmətləri dünya bazarına çıxarma üsulları kimi mövzularda yeni ödənişsiz master-klasslar keçiriləcək.

İlk treninq "Biznesin əsasları və onun təşkilində internet texnologiyalarından istifadə" mövzusuna həsr olunacaq.

27-28 fevral və 5-6 mart 2016-cı il tarixlərində təşkil ediləcək master-klasslar Yüksək Texnologiyalar Parkı Biznes İnkubasiya Mərkəzində (Nizami küçəsi, 203-B, AF Biznes Mərkəzi – III mərtəbə) baş tutacaq.

İştirak etmək istəyənlər bu link vasitəsi ilə qeydiyyatdan keçməlidirlər.

Əlavə məlumat üçün 493-14-00 (2123) və ya info@hightech.az müraciət edə bilərsiniz

Baxış sayı: 1712