İKT

Tarix:20/09/11

“Acer” şirkəti “İntel”dən prosessorların qiymətini azaltmağı xahiş edir

Tayvan şirkətləri olan “Acer” və “Compal Electronics”-in prezidentləri Skott Lin və Rey Çen “İntel” rəhbərliyindən ultrabukların qiymətinin 1000 dollardan aşağı olması üçün prosessorların qiymətini azaltmağı xahiş ediblər.

Əks təqdirdə istehsalçılar ya daha zəif çiplərdən istifadə etməli, ya da marketinq xərclərini azaltmalı olacaqlar.

Çenin sözlərinə görə, “İntel” şirkətinin öz prosessorları barəsindəki indiki qiymət siyasəti şirkətin bu yaxınlardakı ultrabukların istehlak noutbuk bazarının 40%-ni tutacağı barədə proqnozunu həyata keçirməyə imkan verməyəcək.

Skott Lin "Wintel ittifaqı" iştirakçılarına (Windows əməliyyat sistemi + İntel prosessorları) hər hansı bir hərəkət etməyi məsləhət görür, əks halda bütün istehsalçılar zərər çəkə bilərlər.

Baxış sayı: 1121