İNTERNET

Tarix:20/04/16

Dünyada 750 milyon ev təsərrüfatı genişzolaqlı internetlə əhatə olunub

"Point Topic" tədqiqat şirkətinin məlumatına görə, 2015-ci ilin sonu genişzolaqlı internetin inkişafında növbəti vacib mərhələ olub. 2015-ci ilin dekabrın sonuna olan vəziyyətə görə, dünyada stasionar genişzolaqlı internet istifadəçilərinin sayı 751,2 milyon təşkil edib.

"ICTnews" Elektron Xəbər Xidməti "Mediasat" resursuna istinadən yazır ki, tədqiqat şirkətinin baş direktoru Oliver Conson bildirib ki, genişzolaqlı texnologiyalar sektorunda artım stabil olaraq qalır. Başqa texnologiyalar zəifləyərək populyarlığını itirməyə başlasa belə, dərhal onu digəri əvəz edir. Buraxılış kanallarına da tələbat stabildir və bu tələbat üçün əsas stimul videodur.

Bildirilir ki, böyük həcmli videonu çoxlu insana yüksək sürətlə çatdırmaq zərurəti "DSL", kabel modem və xidmətlərinin inkişafına mane olsa da, hələ aktualdır. Kanal resurslarının əksər hissəsi həm yaşayış sektoruna xidmət bazarında, həm də göstəricilərin artdığı biznes abunəçilər sahəsində videonun ötürülməsinə sərf olunur.

"Biz bilirik ki, buraxılış kanallarına bütün dünyada tələbat var. Bəzən problem abunəçiləri bu kanallardan böyük maliyyə effekti ilə istifadəsini necə təmin etməklə əlaqədar olur. Problemin real həllinə peyk imkan verir və bu gün Ka diapazonundan və orbitə müntəzəm çıxan yeni yüksək buraxılışlı peyklərdən aktiv istifadəyə başlamaqla həm əhatə dairəsi, həm də auditoriya genişlənir", - O.Conson qeyd edib.

Nizam Nuriyev

Baxış sayı: 1005