İNTERNET

Tarix:11/06/11

“Google” daha 1 reklam şirkətini satın alır

“Google” “AdMeld” beynəlxalq onlayn-reklam platformasını təxminən 400 milyon dollara alır. Bu barədə bir neçə mənbə bildirib, ancaq şirkətdə hələ ki bu məlumatlar şərh edilmir. Aydındır ki, əgər bu saziş haqqında elan edilsə, onda o, antiinhisar şöbələrin təzyiqinə məruz qalacaq. Daha əvvəl də antiinhisarçılar “Google”a başa salıblar ki, reklam bazarında internet-şirkətin payı həddindən artıq böyükdür. Buna görə də, yeni sazişlərə imkan verilməyəcək.
“AdMeld” platforması veb-saytlara hansı şəbəkələrdən hansı reklamı öz səhifələrində göstərib-göstərməməyi seçməyə icazə verən texnologiyanı təklif edərək "reklam optimallaşdırmasına" xidmət göstərir. “AdMeld” şirkəti özü bildirib ki, onların vəzifəsi premium-kateqoriya saytlarına özləri üçün gəlirlərini daha da artıracaq ən keyfiyyətli reklam seçməyə imkan verməkdən ibarətdir.
Bugünkü gündə qərb internetində oxşar sistemi minimum 2 şirkət də - .”Rubicon Project” və “Pubmatic” (hər ikisi ABŞ-da yerləşir) təklif edir. “Google”da mənbələr bildirib ki, internet-nəhəng “AdMeld” texnologiyalarını “DoubleClick for Publishers” nəşriyyat server paketinə birləşdirmək niyyətindədir. Hələ 2007-ci ilin aprelində “Google” 3,1 milyard dollara “DoubleClick” şirkətini alıb.
O zaman bu saziş antiinhisarçıların təhqiqat predmeti olub. Keçən il “Google” mobil reklamda ixtisaslaşan “AdMob” şirkətini də satın alıb. Razılaşmanın dəyəri 700 milyon dollar olub.
Ekspertlər bildiriblər ki, “AdMeld” şirkətinin “udulması” “Google” üçün əhəmiyyətlidir. Belə ki, “Google” qrafik reklam idarəetməsinin yeni alətlərini əldə edəcək. Hələ ki, bu alət şirkətin arsenalında yoxdur. Həmçinin bir neçə ay əvvəl “Google” qrafik banner reklamında ixtisaslaşan Teracent və bir neçə mübadilə meydançasından reklamın alınması üçün texnologiya təqdim edən “İnvite Media” şirkətlərini alması barədə də bəyan etmışdı.

Baxış sayı: 1072