12px13px15px17px
Tarix:31/08/16

Tədqiqatçılar: “Hər ikinci internet istifadəçisi naməlum şəxsin göndərdiyi bildirişi açır”

Almaniya alimlər qrupu tədqiqat keçirərək hər ikinci internet istifadəçisinin poçt və ya sosial şəbəkələrdə naməlum şəxsin göndərdiyi bildirişi görən zaman “aç” düyməsini basmasını müəyyənləşdirib.

“ICTnews” Elektron Xəbər Xidməti “Qazeta” resursuna istinadən yazır ki, tədqiqat zamanı alimlər 1700 tələbəyə poçt və sosial şəbəkələr vasitəsilə uydurma adlarla bildirişlər göndəriblər. Birinci dəfə alimlər hər tələbəyə öz adı ilə məlumat ünvanlayıblar. İkinci dəfə isə tədqiqatçılar tələbələrə öz adları ilə müraciət etməyiblər. Nəticədə məlum olub ki, birinci halda tələbələrin 56 faizi onlara elektron poçtla göndərilən bildirişləri, tələbələrin 38 faizi isə onlara “Facebook” ilə göndərilən məlumatları açıb.

İkinci halda elektron poçtda tələbələrin yalnız 20 faizi, “Facebook”da 42 faizi bildirişləri açıb. Bununla yanaşı, alimlər qeyd ediblər ki, eksperiment başa çatdıqdan sonra iştirakçıların 78 faizi tanış olmayan insanlardan gələn məktubları açmaqdan qorxmasını etiraf edib. Tədqiqat müəlliflərinin sözlərinə görə, nəticələr ondan xəbər verir ki, gənclərin marağı onların təhlükəsizlik hissini üstələyir.

Nizam Nuriyev  




Baxış sayı: 1087

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024