NRYTN

Tarix:14/11/16

“Telekom” Azərbaycan Super Liqasının II turunda da qələbə qazanıb

Qadın voleybolçular arasında Azərbaycan Super Liqasının II turunda "Telekom" komandası səfərdə "Azərreyl" ilə qarşılaşıb. "Telekom" bu oyunda 3:2 hesabı ilə qalib gəlib.

Oyunun ilk iki seti bərabər mübarizədə keçsə də, hər iki set 26:24 hesabı ilə "Azərreyl"in xeyrinə bitib.

Üçüncü setdə qonaqlar ruhdan düşməyərək, toparlanaraq 25:20 hesabı ilə inamlı qələbə qazanıb. "Telekom" oyunun 4-cü setində üstünlüyü daha da artıraraq 25:14 hesabı ilə rəqibi üstələyib.

Gərgin mübarizə şəraitində keçən 5-ci set 13:15 bitərək "Telekom" komandasına "Azərreyl" üzərində 3:2 hesabı ilə qələbə qazandırıb.

"Telekom"un bu oyunda ən məhsuldar oyunçuları Marqarita Əzizova (18 xal), Yelizaveta Səmədova (15 xal) və Jovana Vesoviç (14 xal) oldular.

Turun digər qarşılaşmasında "Azəryol" "Lokomotiv" üzərində 3:0 (25:16, 25:11, 25:15) hesabı ilə qalib gəlib.

Xatırladaq ki, ilk turda "Telekom" "Azəryol" komandasını 3:1 hesabı ilə məğlub etmişdi.

Baxış sayı: 1033