NRYTN

Tarix:21/11/16

“Telekom” Azərbaycan Super Liqasında liderliyini qoruyub

Qadın voleybolçular arasında Azərbaycan Super Liqasında "Azəryol" və "Telekom" komandaları arasında növbəti oyun keçirilib.

Noyabrın 19-da baş tutan oyunun ilk seti bərabər mübarizə şəraitində keçib. "Telekom" komandası setin sonunda rəqibi "Azəryol"u üstələyərək, 26:24 hesabı ilə seti öz xeyrinə başa vurub. Növbəti setdə qonaq komanda olan "Telekom" daha yaxşı oyun nümayış etdirərək, 25:13 hesabı ilə qələbə qazanıb.

Üçüncü setdə "Azəryol" komandası "Telekom"a güclü müqavimət göstərib. Setin sonunda "Azəryol" 31:29 hesabı ilə önə çıxıb. Üçüncü setdəki qələbədən ruhlanan "Azəryol" dördüncü setə daha inamlı başlayaraq, oyunu 25:18 hesabı ilə başa vurub.

Həlledici beşinci setdə isə "Telekom" 15:6 hesabı ilə "Azəryol üzərində qələbə qazanıb.

Beləliklə, gərgin keçən bu oyun 3:2 hesabı ilə "Telekom"un "Azəryol" komandası üzərində qələbəsi ilə başa çatıb.

Bu oyundan sonra "Telekom" komandası 2016/2017 Azərbaycan Super Liqasında liderliyini qoruyub:

Adı	Oyun sayı	Qələbə sayı	Məğlubiyyət sayı	Setlər	Toplar	Xal
"Telekom"	4	4	0	12-5	400-326	10
"Azərreyl"	3	2	1	8-5	287-238	6
"Azəryol"	4	1	3	8-9	350-367	5
"Lokomotiv"	3	0	3	0-9	119-225	0
"Gürcüstan"	0	0	0	0	0	0