İKT

Tarix:28/09/11

Kimə və nə qədər Pay göndərildiyini bilmək mümkün olacaq

Azercell Telekom MMC Paycell xidməti ilə bağlı yenilik tətbiq edir. Bundan sonra gün ərzində hansı nömrəyə neçə dəfə və nə qədər hədiyyə vəsaitin göndərildiyini öyrənmək mümkün olacaq.

27 sentyabr 2011-ci il tarixindən etibarən istənilən Azercell abonenti Paycell haqqında məlumat ala biləcək. Bunun üçün Fakturalı və Fakturasız Xətt abonentləri Paycell-dən istifadə tarixini 9201 qısa nömrəsinə göndərməlidirlər. Bu zaman abonenti maraqlandıran tarix aşağıdakı formatlardan birində göndərilə bilər:

01.01.2011

01/01/2011

01-01-2011

01012011

Qeyd edək ki, Azercell abonentləri yalnız son 90 gün ərzində göndərilən Paycell-ər haqqında məlumat ala bilərlər. Xidmətdən istifadə haqqı 0.02 AZN (ƏDV daxil) təşkil edir.

Xatırladaq ki, Paycell xidməti abonentlərə öz balansından istənilən Azercell Fakturasız Xətt nömrəsinə vəsait köçürməyə imkan verir. Bu zaman 20 qəpik, 50 qəpik və 1 AZN məbləğ köçürmək mümkündür. Bunun üçün məbləğ köçürüləcək abonentinin nömrəsini SMS vasitəsilə 9204 (20 qəpik üçün), 9200 (50 qəpik üçün) və ya 9202 (1 AZN üçün) nömrəsinə göndərmək lazımdır

Baxış sayı: 1005