İKT

Tarix:05/10/11

“Ailə TV” Gəncədə yayıma başladı

Abunəçilərə yüksək keyfiyyətli rəqəmsal televiziya proqramları təqdim edən “Ailə TV” artıq Gəncədə test yayıma başlayıb. Bu barədə Gəncə TKİ-dən məlumat verilib. Hal-hazırda “Ailə TV” yayımında 9 paket rejimi və 20 radiostansiyadan ibarət paket mövcuddur.

Ümumilikdə rəqəmsal yayım 155-dən çox kanaldan ibarətdir. “Ailə TV” kabel televiziya operatoru telequrmanlar üçün daha maraqlı təklif irəli sürür. Belə ki “Full HD” formatında yayımlanan 5 kanal izləmək mümkündür.

Həmçinin “HD” qəbuledicilərdə “PVR” funksiyası mövcuddur. Bu sistemin köməyi ilə abunəçilər izlədiyi verilişləri məlumat daşıyıcısına (fləş kart) yaza bilərlər. Bundan başqa şirkət abunəçilərinə Azərbaycanda analoqu olmayan CAM-modullar təklif edir.

Bu modula sahib olarkən abunəçilər heç bir kabel və avadanlıqdan istifadə olunmadan analoq, rəqəmsal və “HD” televiziyanı birbaşa izləmək imkanı var. Texnologiyanı yeni nəsil “LED”, “LCD” və plazma televizorlar dəstəkləyir.

Baxış sayı: 1476