12px13px15px17px
Tarix:01/05/17

Nəqliyyat, Rabitə və Yüksək Texnologiyalar Nazirliyinin əməkdaşları "Bakı Marafonu 2017"-nin aktiv iştirakçılarından olublar

Heydər Əliyev Fondunun təşəbbüsü ilə aprelin 30-da keçirilən "Bakı Marafonu 2017" 13 mindən çox iştirakçını öz ətrafında birləşdirib.
 
İdmanın inkişafına dəstək göstərmək və sağlam həyat tərzini təbliğ etmək məqsədi ilə təşkil olunan marafon yarışı artıq 2-ci ildir ki, paytaxt Bakıda keçirilir və yeknəsəq həyat tərzi keçirənləri dinamik və sağlam yaşamağa səsləyir. Tədbirin əsas hədəfləri idman sənayesinin inkişafını sürətləndirmək, gəncliyi sağlam və balanslaşdırılmış həyat tərzinə həvəsləndirməkdir. 

"Küləyə qalib gəl" şüarı altında təşkil olunan 21 kilometrlik marafon Dövlət Bayrağı Meydanından başlayıb, Bakı Olimpiya Stadionunda başa çatıb.
 
Budəfəki marafonda müxtəlif ölkələrdən 1000-dən çox əcnəbi, Azərbaycanın ayrı-ayrı bölgələrindən 600-dək nümayəndə iştirak edib.
 
Bakı Marafonu Dənizkənarı Bulvar İdarəsinin, Bakı Olimpiya Stadionunun dəstəyi ilə təşkil olunub, layihənin icrasını isə "Sport Marketing Group" (SMG) şirkəti həyata keçirib.
  
Bir sıra təşkilat və şirkətlərlə yanaşı, marafonun tərəfdaş və sponsorlarından biri də Nəqliyyat, Rabitə və Yüksək Texnologiyalar Nazirliyi olub.
 
Eyni zamanda, Nəqliyyat, Rabitə və Yüksək Texnologiyalar Nazirliyinin bütün qurumları "Bakı Marafonu 2017"-də fəal iştirak ediblər. Nazirliyin və tabeli müəssisələrin 1824 nəfər əməkdaşı iştirakçı qismində marafona qatılıb.
 
Ötən il "Sağlamlıq - 2016" rabitə işçilərinin respublika spartakiadasında atletika üzrə yarışın qalibi olmuş nazirliyin Məlumat Hesablama Mərkəzinin əməkdaşı Türkay Zərgərli 21 km məsafəni 110 dəqiqəyə qət edərək, finişə çatan qadınlar arasında 30-cu olub. Ümumilikdə isə bütün iştirakçılar həvəslə bu yarışda öz iradə və gücünü sınayıblar.
 
Marafon yarışları idman tədbiri olmaqla yanaşı, həm də xeyriyyə məqsədi daşıyır.
"Bakı Marafonu 2017"-dən toplanan vəsait Heydər Əliyev Fondunun valideyn himayəsindən məhrum olan uşaqlarla bağlı layihəsinə yönəldiləcək.

Onu da qeyd edək ki, bu cür marafonlar indiyədək London, Paris, Boston, Nyu-York, Çikaqo, Berlin, Barselona, İstanbul və digər şəhərlərdə təşkil olunub.














Baxış sayı: 295

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






14 Dekabr 2017

13 12 2017

13/12/17
Dünya informasiya təhlükəsizliyi bazarının həcmi 9 faiz artıb

“Canalys” analitik şirkəti 2017-ci ilin üçüncü rübündə dünyada kibertəhlükəsizlik üç

13/12/17
Bu şirkətin noutbuklarında klaviatura casusu aşkar edilib

“HP Inc.” şirkətinin kompüterlərində yenidən casus funksionallığı aşkar edilib. Bu barədə informasiya 

13/12/17
Növbəti “Galileo” peyk sistemi buraxılıb

“Ariane-5” raketdaşıyıcısı dekabrın 12-də Fransız Qvianasında (Cənubi Amerikada, Fransanın 

13/12/17
“Microsoft” kvant hesablamaları üçün proqramlaşdırma dili təqdim edib

“Microsoft” şirkəti tərəfindən təqdim edilmiş “Quantum Development Kit” adlı hazırlama vasitələri paketinin 

13/12/17
“Samsung” qurğuların enerji ilə dodurulması üçün “ağıllı” sviteri patentləşdirib

Cənubi Koreyanın “Samsung” şirkəti istifadəçilərə qurğuları enerji ilə doldurmağa imkan verəcək 

13/12/17
“Goldmont Plus” arxitekturalı ilk birkristallı “Gemini Lake” sistemləri təqdim edilib

“Intel” şirkəti “Goldmont Plus” arxitekturası əsasında ilk birkristallı “Gemini Lake” sistemlərini 

13/12/17
Ekranın alt hissəsinə qurulmuş barmaq izi skaneri ilə təchiz edilmiş smartfon təqdim olunacaq

ABŞ-ın kompüter komponentləri istehsalçısı olan “Synaptics” şirkəti ekranın alt hissəsinə qurulmuş “Clear ID