12px13px15px17px
Tarix:19/05/17

Sonuncu standart peyk internetinin sürətini 1Qbit/saniyəyə çatdırıb

Fraunqofer adına İnteqrasiyalı Mikrosxemlər İnstitutu (IIS), “Avanti Communications” və “Work Microwave” şirkətlərinin iştirak etdiyi layihənin həyata keçirilməsi çərçivəsində “Avanti” şirkətinə məxsus “HYLAS” peykinin tutumlarında quraşdırılan siqnalın modulyasiyası və demodulyasiyası üçün avadanlığın fəaliyyəti sınaqdan keçirilib.

“ICTnews” Elektron Xəbər Xidməti “Mediasat” resursuna istinadən yazır ki, genişzolaqlı tezlik daşıyıcılarının tətbiqi sayəsində test iştirakçıları transponderin tam buraxılış zolağından yararlanaraq bir tezlik daşıyıcısından istifadə zamanı informasiyanın saniyədə 1 qiqabit və daha çox sürətdə ötürülməsi ilə bağlı ilkin proqnozları üstələyən nəticələrə nail olublar.

Məlumata görə, texnologiyanın imkanları müxtəlif tezlik zolaqlarından və modulyasiya sxemlərindən istifadə etməklə nümayiş etdirilib.

Sınaqlar zamanı istifadəçi terminalı ilə qeydə alınan sabit bağlantının maksimal sürəti 1,27 qiqabit/saniyə təşkil edib. Bu nəticə qəbuledici avadanlığına seçimə görə daxil olan siqnalın ayrı-ayrı hissələrini buraxmaq və buraxmamaqla prosessorun gücünə qənaət etməyə imkan verən “DVB-S2X” standartının vaxtın kvantlanması funksiyasından istifadə sayəsində əldə olunub.

İnstitutun məlumatına görə, “DVB-S2X” standartı sonuncu peyk rabitəsi standartı kimi tezlik spektrindən səmərəli istifadəyə şərait yaradır.

Eksperiment Avropa Kosmik Agentliyinin (ESA) “Qabaqcıl ARTES texnologiyaları” proqramı üçün ayrılan vəsaitlər hesabına maliyyələşdirilib.

Nizam Nuriyev 




Baxış sayı: 85

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Noyabr 2017

18 11 2017

18/11/17
2017-ci ilin birinci yarısında qlobal İT bazarı və biznes xidmətlərinin həcmi 4% yüksəlib

“IDC” analitik şirkətinin məlumatına görə, 2017-ci ilin birinci yarısında İT xidmətləri və biznes xidmətləri bazarında 

18/11/17
İstifadəçilər smartfon asılılığı təhlükəsini dərk etməyə başlayıblar

İnsanlar smartfonlardan həddən istifadə nəticəsində həyəcanlılıq, depressiya, yuxu problemi ilə üzləşə bilərlər

18/11/17
Yeni boşluq istifadəçidən xəbərsiz ekrandakı videonu yazır

“MWR InfoSecurity” şirkətinin mütəxəssisləri “Android” platforması üçün yeni eksploit aşkar ediblər

18/11/17
Çində vətəndaşların smartfonlar üzərindən elektron eyniləşdirilməsi tətbiq edilib

Uhan şəhərində yaşayan çinlilər indi kimliyi təsdiq edən sənədlərin əvəzinə, smartfonda xüsusi proqramdan