NRYTN

Tarix:11/10/11

Bakıda RRB-nin işçi qrupunun toplantısı keçirilir

Bu gün Bakı şəhərində “Grown otel”in iclas zalında Regional Rabitə Birliyinin(RRB) orta və uzun dalğalarda fəaliyyət göstərən (əvvəllər sinxron rejimdə) səs yayımının tətbiqinin təkmilləşdirilməsi məqsədi ilə yaradılmış işçi qrupun 7-ci iclası öz işinə başlayıb. İşçi qrupun toplantısında gündəlikdə bir çox məsələlərin müzakirəsi durur.

Müzakirə olunan məsələlər sırasında əvvəllər (SSRİ dövründə) sinxron rejimdə orta/uzun dalğa diapazonda işləyən radioyayım şəbəkələrin sinxron olmayan rejimə keçməsi ilə bağlı orta/uzun dalğa diapazon tezliklərində yaranan maneələrin (kolleziyaların) aradan qaldırılması ilə bağlı RRB-nin “Radiotezlik spektrinin tənzimlənməsi və peyk orbitləri” üzrə komissiyanın protokol qərarına uyğun olaraq texniki təkliflərin hazırlanması da durur.

MDB ölkələrinin rabitə administrasiyalarının nümayəndələrinin və mütəxəssislərinin qatıldığı toplantıda işçi qrupun əvvəlki toplantılarının protokol qərarlarına uyğun olaraq“Cenevrə - 75” planında rabitə administrasiyalarının adına sinxron şəbəkələrdə qeydiyyatda olan və həmçinin qeydiyyatda olmayıb eyni tezliklərdə radioşəbəkələrə yeni əlavə edilən orta\uzun dalğa radioyayım vericilərinin BTİ-nin müvafiq proqram təminatı vasitəsi ilə sinxron rejimdən çıxarıldıqdan sonra hesabatlarının aparılması işlərinin davam etdirilməsi, hesabatların nəticələrinə əsasən yaranan kolleziyaların( maneələrin ) aradan qaldırılması istiqamətində texniki təkliflərin hazırlanması və müzakirəsi, eyni zamanda sinxron rejimdən çıxan radioyayım vericilərinin və tezliklərin yenidən BTİ-də qeydiyyatı prosedurunun müəyyənləşdirilməsi və təkliflərin komissiyaya təqdim edilməsi nəzərdə tutulur. Qeyd edək ki, işçi qrupun toplantıları indiyə qədər hər dəfə MDB ölkələrinin birində keçirilib.

Baxış sayı: 1546