12px13px15px17px
Tarix:16/09/17

Milli Sertifikat Xidmətləri Mərkəzi Sankt-Peterburqda təşkil olunan konfransda Azərbaycanı təmsil edib

Rusiya Federasiyasının Rabitə və Kütləvi Kommunikasiya Nazirliyi tərəfindən Sankt-Peterburqda təşkil olunan açıq açar infrastrukturu və elektron imza problemləri üzrə "PKI-Forum Rusiya 2017" beynəlxalq konfransı başa çatıb. Konfransın əsas mövzularını "Açıq açar infrastrukturu və onun əsasında həllərə etibar", "PKI-da perspektiv texnologiyaların tətbiqinin aktual məsələləri", "PKI sahəsində standartlaşdırma və elektron rəqəmsal imza", "Sertifikat xidmətləri mərkəzlərinin fəaliyyəti", "Elektron imzanın əməliyyat sistemlərində məhdudiyyətsiz tətbiqi, blokçeyn-texnologiyalarda PKI" və sair təşkil edib.
 

Konfransın işində Azərbaycan, Belarus, Qazaxıstan, Polşa, Rusiya Federasiyası, Özbəkistan və digər ölkələrdən 300-dən çox nümayəndə iştirak edib. Ölkəmizi tədbirdə Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzinin nümayəndələri təmsil edib. Milli Sertifikat Xidmətləri Mərkəzinin müdiri Arif Mailov ölkəmizdə Kök Sertifikat Mərkəzi olan Milli Sertifikat Xidmətləri Mərkəzinin fəaliyyəti ilə bağlı məlumat verib. Bildirilib ki, Mərkəzin funksiyalarına Milli Sistemə daxil olan və tabeçilikdə olan bütün mərkəzlər üçün Milli sertifikatların verilməsi daxildir. Kök Mərkəzin vəzifələrinə özüimzalanan sertifikatın formalaşdırılması; ikinci səviyyəli mərkəzlərin qeydiyyatı (ilk növbədə, Hakimiyyət Orqanları Mərkəzi, Elektron Hökumət Mərkəzi və mobil-İD Mərkəz) və elektron imzanın yoxlanılması barədə informasiyaya əsasən, bu mərkəzlərin sertifikatlarının formalaşdırılması; ancaq ikinci səviyyəli mərkəzlərin geri çağırılmış sertifikatlarının siyahısının tərtib edilməsi və dərc olunması daxildir.





Baxış sayı: 860

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024