12px13px15px17px
Tarix:20/09/17

“Caspian Energy Transport Forum”u keçirilib

Bu gün, sentyabrın 20-də Bakıda "Caspian European Club" və "Caspian American Club" tərəfindən Azərbaycan Respublikasının nəqliyyat, rabitə və yüksək texnologiyalar naziri Ramin Quluzadənin iştirakı ilə təşkil olunan "Caspian Energy Forum" unun xüsusi sessiyasında nəqliyyat sektorunun əsas məsələləri və problemləri müzakirə edilib. 

Biznes forumunda çıxış edən Ramin Quluzadə iştirakçılara nəqliyyat sektorunun gələcək inkişafı istiqamətində görülən tədbirlər, müvafiq infrastrukturun təkmilləşdirilməsi, planlar və perspektivlər barədə məlumat verib.

Dövlət və sahibkarlar arasında effektiv dialoq üçün yaradılan imkana görə Klub rəhbərliyinə minnətdarlığını bildirən Ramin Quluzadə qeyd edib ki, nazirlik həmişə sahibkarlarla və onları təmsil edən ictimai təşkilatlarla müzakirələr üçün açıqdır. Nazirin sözlərinə görə, belə müzakirələr sahibkarlığın inkişafı və onların qarşısında duran problemlərin həlli, eləcə də nəqliyyat orqanları və biznes qurumları arasında tərəfdaşlıq münasibətlərinin inkişafı baxımından çox faydalıdır.

Ramin Quluzadənin fikrincə, hazırda Azərbaycanın nəqliyyat-yol kompleksinin potensialını gücləndirərək  regionda əsas nəqliyyat qovşağına çevrilməsi üçün yaxşı imkanlar mövcuddur.

"Bildiyiniz kimi, Azərbaycan Qafqaz regionundan keçən Avrasiya nəqliyyat bağlantılarının inkişafı üzrə bir çox layihələrin təşəbbüskarı və iştirakçısıdır. Nümunə olaraq, Avropa-Qafqaz-Asiya (TRACECA) nəqliyyat dəhlizinin əhəmiyyətini artıran bağlantı kimi Bakı-Tbilisi-Qars yeni dəmir yolu xəttinin, yeni Bakı Beynəlxalq Ticarət Limanının və logistik mərkəzin inşasını qeyd etmək olar. Bundan başqa yeni hava limanlarının istismara verilməsi,  avtomobil və dəmir yolları infrastrukturunun yenilənməsini, müasir tipli bərə və tankerlərin alınmasını və digərlərini sadalamaq olar.

Bu layihələr "İpək Yolu"nun canlanmasını, regionda daha effektiv nəqliyyat bağlantılarının yaradılmasını təmin edəcək. Şərq-Qərb və Şimal-Cənub nəqliyyat dəhlizləri üzrə tranzit daşımaların asanlaşmasına və əlavə yük axınlarının cəlb olunmasına şərait yaradacaqdır", - deyə nazir bildirib.

Ramin Quluzadə onu da qeyd edib ki, hazırda nəqliyyatda sahibkarlıq fəaliyyətinin və özəl sektorun inkişaf etdirilməsi, müasir dövrün tələbinə uyğun kadr hazırlığı kimi məsələlər də xüsusi önəm kəsb edir.

Nəqliyyat sektorunda layihələrin hazırlanması və icrası zamanı ekoloji tələblərin qorunması, bütövlükdə nəqliyyat fəaliyyətinin ətraf mühitə təsiri məsələləri xüsusi diqqət mərkəzində saxlanılmalıdır.

"Hesab edirəm ki, nəqliyyat xidmətlərinin keyfiyyətinin yüksəldilməsi, bütün müasir tələbləri qarşılaya bilən yeni nəqliyyat sisteminin yaradılması prioritet fəaliyyət istiqamətləri olmalıdır", - deyə Ramin Quluzadə vurğulayıb.

Görüşdə, həmçinin özəl sektorla əməkdaşlığın genişləndirilməsi üzrə istiqamətlər qeyd edilib, eləcə də "Caspian European Club" və "Caspian American Club" klublarına üzv şirkətləri maraqlandıran məsələlər müzakirə olunub.

"Caspian European Club" və "Caspian American Club"un sədrinin birinci müavini və baş icraçı direktoru Telman Əliyev konstruktiv dialoqa, həmçinin biznesmenlərin və "Caspian European Club" və "Caspian American Club"un üzv şirkətlərinin problemlərinin həllindəki fəal iştiraka və operativ reaksiyaya görə başda nazir Ramin Quluzadə olmaqla Nəqliyyat, Rabitə və Yüksək Texnologiyalar Nazirliyinə minnətdarlığını bildirib.

Telman Əliyev xatırladıb ki, "Caspian European Club" 2002-ci ilin iyununda Xəzər-Qara dəniz regionunda fəaliyyət göstərən nəhəng neft-qaz şirkətlərinin dəstəyilə yaradılıb. "Caspian European Club"un sədri Azərbaycan Respublikasının Prezidenti Zati-aliləri cənab İlham Əliyevdir. Telman Əliyev qeyd edib ki, Caspian American Club yaratmaq təşəbbüsü də Azərbaycanın dövlət başçısına məxsusdur.

"Caspian European Club Azərbaycanda keçirilən iqtisadi islahatlarda, xarici investisiyaların cəlb edilməsində və kiçik və orta biznesin inkişafında fəal iştirak edir. Bundan əlavə Klub Xəzər-Qara dəniz və Baltik regionu dövlətləri arasında beynəlxalq iqtisadi əlaqələrin qurulmasında mühüm rol oynayır", - deyə Telman Əliyev deyib.

"Əlamətdar haldır ki, biz nəqliyyat forumunu "Əsrin müqaviləsi"nin imzalanmasının növbəti ildönümünün təsadüf etdiyi tarixdə - sentyabrın 20-də keçiririk.  Forum neft sektorundan qeyri-neft, ələlxüsus da nəqliyyat və İKT sektoruna keçidlə assosiasiya olunur", - deyə o əlavə edib.

O həmçinin bildirib ki, ilin sonunadək "Caspian European Club" iqtisadiyyatın digər sahələrində də bir sıra analoji tədbirlər təşkil edəcək.

"2017-ci il dekabrın 8-də Şimali və Cənubi Amerika, həmçinin Xəzər-Qara dənizi, Aralıq dənizi və Baltik regionu ölkələrini təmsil edən şirkətlərin 300-dən artıq iştirakçının qatılacağı "Caspian American Forum Baku – 2017" keçiriləcək", - deyə Telman Əliyev söyləyib.

 O həmçinin diqqətə çatdırıb ki, sentyabr ayından etibarən "Caspian Energy Georgia" Gürcüstanda "Caspian European Club", "Caspian American Club" və "Caspian Energy İnternational Media Group"-un maraqlarını təmsil edir.

"Caspian Energy Georgia"nın fəaliyyətinin yenilənməsi çərçivəsində 2018-ci ilin martında Gürcüstan və Azərbaycan Respublikası hökumətlərinin, həmçinin "Caspian European Club"un dəstəyilə 5-ci Beynəlxalq "Caspian Energy Forum" keçiriləcək. Forumun açılışında Gürcüstanın Baş naziri Georgi Kvirikaşvilinin iştirakı planlaşdırılır", - deyə Telman Əliyev çıxışına yekun vurub.

"Caspian Energy Transport Forum"un işində Azərbaycan, Qazaxıstan, Rusiya, Türkiyə, İran, Aİ-nin 200-ə yaxın biznesmeni, həmçinin beynəlxalq şirkət nümayəndələri və Azərbaycanda akkreditə olunmuş beynəlxalq təşkilat rəhbərləri iştirak ediblər.

Günün ikinci yarısında altıncı "CEO Lunch Baku" keçirilib. Telman Əliyev qeyd edib ki, "Caspian European Club" və "Caspian American Club" CEIBC şirkətlərinin top-menecerlərinin iştirakı ilə Bakıda hər ayın üçüncü çərşənbə günü "CEO Lunch" təşkil edir. Telman Əliyev növbəti "CEO Lunch"-ın "Caspian Energy Tourism Forum" çərçivəsində 2017-ci il oktyabrın 18-də Bakıda keçiriləcəyini bəyan edib. O həmçinin xatırladıb ki, Tbilisidə cari ilin 29 sentyabr tarixində baş tutacaq ilk "CEO Lunch" mütəmadi qaydada hər ayın sonuncu cümə günü  keçiriləcək. 

Forum çərçivəsində qeyri-rəsmi şəraitdə sahibkarların  qarşılaşdıqları problemlər müzakirə olunub, ölkənin müxtəlif regionlarında biznesin aparılmasına dair onları maraqlandıran suallara, həmçinin iqtisadiyyatın ayrı-ayrı sahələri üzrə əməkdaşlığın genişləndirilməsi ilə bağlı təkliflərə toxunulub.

"Caspian European Club" və "Caspian American Club"a daxil olan və burada iştirakını davam etdirən şirkətlərə sertifikatlar təqdim olunub.










Baxış sayı: 6

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






25 May 2018

25/05/18
“WhatsApp” messencerində yeni boşluq aşkar edilib

“WhatsApp” xidmətinin istifadəçiləri xoşagəlməz bir problemdən şikayətləniblər. Belə ki, sözügedən 

25/05/18
Elektron Təhlükəsizlik Xidməti: “VPNFilter” şəbəkə qurğularını yoluxdurur!”

Nəqliyyat, Rabitə və Yüksək Texnologiyalar Nazirliyi yanında Elektron Təhlükəsizlik Xidməti (ETX) 

25/05/18
KİV nümayəndələri Data Mərkəzlə tanış oldu

Mayın 25-də Nəqliyyat, Rabitə və Yüksək Texnologiyalar Nazirliyinin dəstəyi və “AzInTelecom” MMC-nin 

25/05/18
İşığın təsiri altında suyu təmizləyən material yaradılıb

Çin alimləri işığın təsiri altında çirkləndirilmiş suyu təmizləyən yeni material ixtira ediblər. Bu barədə 

25/05/18
Bu iki nəhəng texnologiya şirkəti arasında məhkəmə çəkişməsi səngimək bilmir

Kaliforniya Məhkəməsi “Samsung” korporasiyasını patent hüququ pozuntusuna görə “Apple” korporasiyasına 

25/05/18
“Elektron imza və etibarlı xidmətlər: hüquqi və texniki bazanın təkmilləşdirilməsi” müzakirə olunub

Nəqliyyat, Rabitə və Yüksək Texnologiyalar Nazirliyi (NRYTN) və Avropa İttifaqının (Aİ) birgə həyata keçirdiyi 

25/05/18
Süni intellekt polisə təhqiqatlar aparmağa kömək edir

Niderland Milli Polisi təhqiqatlar aparmağa kömək edən neyron şəbəkə ilə təchiz edilib. Sistem 

25/05/18
“Sony” smartfonlar bazarını tərk edə bilər

Yaponiyanın “Sony” şirkəti biznesin yenidən qurulması ilə əlaqədar mobil bölməni bağlaya bilər. 

25/05/18
Orta büdcəli smartfonları qabaqcıl imkanlarla təchiz edəcək prosessor təqdim olunub

“Qualcomm” şirkəti yeni “Snapdragon 710” prosessorunu təqdim edib. Bu çip orta büdcəli smartfonları 

25/05/18
“Wi-Fi” vəhşi təbiət üçün təhlükəlidir

Simsiz internetin elektromaqnit şüaları əksər quş və həşəratlara ciddi ziyan vurur.

24 05 2018

24/05/18
“Startap günləri” davam edir

Növbəti “Startap günləri” cari il mayın 25-26-da Azərbaycan Dövlət İqtisad Universitetində

24/05/18
8 il ardıcıl olaraq dünyanın ən bahalı brendi adına layiq görülən şirkət hansıdır?

ABŞ-ın “Forbes” jurnalı dünyanın 100 ən bahalı brendindən ibarət növbəti reytinqi tərtib edib. Reytinqdə 

24/05/18
Körpə səslərini aydın dildə ifadə edəcək proqram yaradılıb

“UCLA” komandası öncə zəif eşidən valideynlər üçün ümumi fonda körpənin ağlamasını ayırd edə 

24/05/18
Ən böyük şəffaf elastik ekran nümayiş olunub

“LG Display” şirkəti ekranlar sənayesinin inkişafını davam etdirərək “Society for Information 

24/05/18
Ən kompakt oyun noutbuku nümayiş olunub

“Razer” şirkəti yeni “Razer Blade” oyun noutbukunu təqdim edib. İstehsalçı onu dünyanın ən kompakt 

24/05/18
“Intel” şirkətinin istehsalı olan prosessorlarda növbəti boşluq aşkar edilib

“Intel” şirkətinin istehsalı olan prosessorlarda növbəti boşluq aşkar edilib. Bu boşluğu aradan qaldırmaq 

24/05/18
Alıcıların rəğbətini qazanmış smartfon hansıdır?

ABŞ-ın Alıcıların Məmnunluq İndeksi (ACSI) smartfonların yeni reytinqini tərtib edib. “iPhone 7 Plus” 

24/05/18
Britaniyada hərbi süni intellekt tədqiqatları mərkəzi yaradılacaq

Böyük Britaniyada vəzifəsi ölkənin təhlükəsizlik səviyyəsinin və müdafiə qabiliyyətinin artırılmasından 

24/05/18
Kompüter virusu 500 min qurğuya hücum edib

ABŞ-ın “Cisco Systems” şirkəti dünyanın 50-dən çox ölkəsində təxminən 500 min kompüter qurğusunun