12px13px15px17px
Tarix:16/06/11

Ucqar kənd məktəbləri vahid məlumat bazasına simsiz şəbəkə ilə qoşulacaq

Təhsil Nazirliyi nəzdində ölkənin məktəbəqədər, orta təhsil və məktəbdənkənar təhsil müəssisələrinin məlumat bazası yaradılıb. Nazirliyin Təhsilin idarə olunmasının məlumat sistemləri şöbəsinin müdiri İsmayıl Sadiqovun sözlərinə görə, məlumat bazası təhsil müəssisələri arasında məlumat mübadiləsi üçün vahid təhsil şəbəkəsinə birləşib. O bildirib ki, respublikanın bütün təhsil müəssisələri 2012-ci ilin sonunadək təhsil şəbəkəsindən istifadə edə biləcəklər. Bu gün həmin şəbəkənin olmadığı məktəblərdə məlumat mübadiləsi elektron poçt vasitəsilə həyata keçirilir. Cari ildə ucqar ərazilərdə yerləşən və simli qoşulmanın mümkün olmadığı təhsil müəssisələrində simsiz şəbəkə tətbiq ediləcək. Şagirdlər və müəllimlər barədə məlumatlar məktəblərə məlumat bazalarının bütün sistemini avtomatlaşdırmağa imkan verən təhsil sistemində idarəetmənin informasiyalaşdırılması sistemində (TİMS) öz əksini tapıb. TİMS əsasında məktəblərin məlumat bazaları müəllimlər və şagirdlər, təhsil müəssisəsinin strukturu, dərs proqramları, planları və s. barədə ətraflı məlumatları özündə birləşdirir.
Qeyd edək ki, elektron məlumat bazasının yaradılması məktəblərdən Təhsil Nazirliyinə bilavasitə birbaşa məlumat axınına şərait yaradır.



Baxış sayı: 1165

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






19 Aprel 2024

18 04 2024