12px13px15px17px
Tarix:05/12/17

“Trans-Avrasiya Super İnformasiya Magistralı” layihəsi üzrə işlərin intensivləşdirilməsi üçün növbəti yüksək səviyyəli görüş keçirilib

Bakıda "Bakutel-2017" Beynəlxalq Telekommunikasiya və İnformasiya Texnologiyaları Sərgi-Konfransı çərçivəsində "Trans-Avrasiya Super İnformasiya Magistralı" (TASİM) layihəsi üzrə növbəti yüksək səviyyəli görüş keçirilib.
 
Toplantıda çıxış edən nəqliyyat, rabitə və yüksək texnologiyalar naziri Ramin Quluzadə İKT sahəsinin inkişafı istiqamətində Azərbaycanda həyata keçirilən islahatlar fonunda TASİM layihəsinin əhəmiyyətindən söz açıb. Nazir bildirib ki, layihə  Azərbaycan Respublikası Prezidentinin diqqət mərkəzindədir və ölkə başçısının birbaşa dəstəyi ilə, son illər qonşu dövlətlərlə sıx əməkdaşlıq münasibətləri şəraitində bir sıra uğurlu regional infrastruktur layihələri həyata keçirilir.
 
Layihəyə qlobal səviyyədə siyasi dəstək verildiyini də qeyd edən nazir 2009, 2012 və 2013-cü illərdə BMT-nin Baş Assambleyasında TASİM layihəsi ilə bağlı üç qətnamənin yekdilliklə qəbul olunduğunu xatırladıb.
 
R.Quluzadə 2017-ci ildə TASİM layihəsi üzrə danışıqların daha  da intensivləşdiyini və real nəticələr əldə olunduğunu qeyd edib.
 
"Bilirsiniz ki, il boyu biz müxtəlif formatlı tədbirlərdə görüşürük və TASİM layihəsini də daim diqqətdə saxlayırıq. İl ərzində TASİM konsorsiumuna daxil olan 4 ölkənin (Rusiya, Çin, Türkiyə, Qazaxıstan) Bakıdakı səfirləri, həmçinin Azərbaycan Dövlət Neft Şirkətinin nümayəndəsi (SOCAR) ilə görüşlər keçirilib. Bunun davamı olaraq,  sentyabrda Almatı şəhərində TASİM işçi qrupunun növbəti iclası baş tutdu. Həmçinin Türkdilli Dövlətlərin Əməkdaşlıq Şurası çərçivəsində TASİM layihəsi üzrə xüsusi alt-qrup fəaliyyət göstərir və bu ilin noyabrında Türk Şurasının İstanbulda keçirilmiş nazirlər görüşündə digər məsələlərlə yanaşı, TASİM layihəsi üzrə faydalı müzakirələr apardıq".
 
Nazir TASİM layihəsinin ticarət, turizm və iqtisadi inkişafa töhfə verməklə yanaşı, müxtəlif dövlətlərdə yaşayan xalqların yaxınlaşmasına və davamlı inkişaf məqsədlərinə çatmasına  yardım edəcəyinə inandığını bildirib. O, tərəfləri işlərin sürətləndirilməsi üçün zəruri sənədləri imzalamağa dəvət edib.
 
Toplantıda Türkiyə Respublikasının nəqliyyat, dənizçilik və rabitə naziri Əhməd Arslan çıxış edərək bildirib ki, TASİM layihəsi gələcəyə hesablanıb. O, Türkiyə tərəfinin layihənin reallaşdırılması istiqamətində  hər cür əməkdaşlığa hazır olduğunu qeyd edib. O, bu layihənin iqtisadi-siyasi əlaqələrin inkişafı  baxımından böyük rola malik olduğunu vurğulayıb.
 
Rusiyanın  rabitə və kütləvi kommunikasiyalar nazirinin müavini Rəşid İsmayılov qeyd edib ki, layihə geniş olmaqla bərabər, texniki nöqteyi-nəzərdən bir qədər də çətin relyefə malikdir. Lakin bütün bunlar layihələndirmədə diqqətlə nəzərə alınıb. O bildirib ki, Rusiya tərəfi Cənubi Qafqaz regionu üçün əhəmiyyətli olan bu layihədə təmsil olunur.
 
Azərbaycan Respublikası Prezidenti İlham Əliyevlə bugünkü görüşündə Azərbaycanın regional əhəmiyyətli infrastruktur layihələrini uğurla icra etdiyini öyrəndiyini bildirən Beynəlxalq Telekommunikasiya İttifaqının Baş katibi Houlin Cao TASİM layihəsinin də qısa zamanda reallaşacağına əminliyini ifadə edib. O, layihəni təkcə Azərbaycan üçün deyil, Avropa və Asiya qitələri üçün də nəhəng telekommunikasiya infrastrukturu adlandırıb.
 
Çinin Sənaye və İnformasiya Texnologiyaları Nazirliyinin nümayəndəsi Çen Jiaçun layihənin reallaşmasına olduqca yaxınlaşıldığını qeyd edib.  "Çinin Sənaye və İnformasiya Texnologiyaları Nazirliyi olaraq bu layihədə iştirak edirik, inanırıq ki, tezliklə bu layihə işə düşəcək və müsbət nəticələr əldə olunacaq. Hesab edirəm ki, "China Telecom"un bu layihədə iştirakı olduqca əhəmiyyətlidir".
 
 "China Telecom"un  vitse-prezidenti Yang Liu çıxış edərək TASİM layihəsinin reallaşdırılması məqsədilə ətraflı texniki iqtisadi əsaslandırmanın aparılması üçün Azərbaycan tərəfindən irəli sürülmüş  birgə büdcənin yaradılmasını müsbət qiymətləndirib. "Ötən gün biz bu protokolu  imzaladıq. Hesab edirəm ki, bu, növbəti mərhələyə keçid üçün uğurlu nəticədir". 
 
Sonda tərəflərin birgə qərarı ilə layihənin reallaşdırılması üzrə işlərin intensivləşdirilməsi üçün memorandum imzalanması ilə bağlı qərar qəbul olunub. 
 
Məlumat üçün bildirək ki, vacib regional təşəbbüs olan "Trans-Avrasiya Super İnformasiya Magistralı" (TASİM) layihəsinin məqsədi Qərbi Avropadan Şərqi Asiyaya qədər Avrasiya ölkələrini əhatə edən transmilli fiber-optik xəttin çəkilməsidir. Layihə Frankfurt şəhərindən Honq-Konq şəhərinə istiqamətlənən əsas tranzit xəttinin qurulmasını nəzərdə tutur. Bu xətt Avropa və Asiyanın ən böyük informasiya mübadiləsi mərkəzlərini birləşdirəcək. Tranzit xətti Çin, Qazaxıstan, Azərbaycan, Gürcüstan, Türkiyədən keçərək Almaniyaya çatacaq. Ehtiyat Şimal tranzit xətti Rusiya, Ukrayna və Polşa ərazisindən keçəcək.
 
TASİM uzunmüddətli təşəbbüsdür və mərhələlərlə həyata keçiriləcək. Strateji baxımdan TASİM-in reallaşması iki mərhələdən ibarət olacaq. Birinci mərhələdə aparıcı region ölkələri və operatorları Qərbi və Şərqi birləşdirən əsas internet tranzit  infrastrukturunu yaradacaqlar. Bu tranzit infrastrukturu TASİM-in kommersiya baxımından əlverişli və sürətlə artan beynəlxalq IP internet tranzit bazarının tələbatlarına cavab verən layihə olmasına imkan yaradacaqdır.
 
İkinci mərhələdə TASİM qurulan tranzit infrastrukturundan istifadə edərək Mərkəzi Asiya olmaqla, açıq dənizə çıxışı olmayan Avrasiya ölkələrini münasib qiymətli bağlantı ilə təmin edəcəkdir. Milli telekom infrastrukturunun inkişaf planlarına uyğun olaraq yeni fiber-optik xətlər yaradılacaq, mövcud xətlər isə texnoloji baxımdan təkmilləşdiriləcək və TASİM şəbəkəsinə birləşdiriləcəkdir.
TASİM layihəsinin reallaşdırılması məqsədilə ətraflı texniki iqtisadi əsaslandırmanın aparılması üçün birgə büdcənin yaradılması  Azərbaycan tərəfindən irəli sürülüb, təklif müsbət qarşılanaraq protokolda öz əksini tapıb. 










Baxış sayı: 325

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






18 Oktyabr 2018

18/10/18
Kredit kartı ölçüsündə smartfon təqdim edilib

Yaponiyanın “Kyocera” yüksəktexnologiyalı şirkəti dünyada ən nazik telefon adına iddia edən yeni “KY-O1L

18/10/18
“Azərpoçt” MMC bank nominasiyasının qalibi

Azərbaycanın milli poçt operatoru “Azərpoçt” MMC “Mastercard” debet layihəsini uğurla tamamlayan bank 

18/10/18
ABŞ Kosmik Agentliyi Veneraya missiya göndərəcək

ABŞ Kosmik Agentliyi (NASA) Venera planetinə missiyanın göndərilməsi üçün “High Altitude 

18/10/18
Yeni çiplər internetin sürətini rekord səviyyəyə çatdıracaq

“Qualcomm” şirkəti internetin sürətini saniyədə 10 Qbit olmaqla rekord həddə çatdırmağa imkan 

18/10/18
Robot tarixdə ilk dəfə Böyük Britaniya parlamentində çıxış edib

Yaponiyada hazırlanmış “Pepper” adlı insanabənzər robot Böyük Britaniya parlamentinin komitə üzvləri 

18/10/18
Yeni mobil əlavə depressiya əlamətlərini müəyyənləşdirməyə kömək edəcək

“Mindstrong” tibb startapı “iOS” əməliyyat sistemi üçün yenilənmiş “Health” əlavəsini təqdim 

18/10/18
“microSD” yaddaş kartına alternativ təqdim edilib

Bir gün əvvəl nümayiş etdirilmiş “Mate 20” istehsal xəttinə aid yeni smartfonlar “Huawei” şirkətinin 

18/10/18
Britaniyada qurğuların müdaxilədən qorunması üçün təlimat buraxılıb

Böyük Britaniyada internetə qoşulan ev qurğuları istehsalçıları üçün təhlükəsizlik kodeksi dərc edilib

18/10/18
Yeni “Chrome 70” brauzerində təhlükəsizlik məsələsinə böyük önəm verilib

“Google” şirkəti tərəfindən təqdim edilmiş “Chrome 70” brauzerinin yeni versiyasında yeniliklərin əsas 

17 10 2018

17/10/18
Şirkətlərə qarşı həyata keçirilmiş kiberhücumların sayı 55% yüksəlib

2018-ci ilin üçüncü rübündə şirkətlərə qarşı həyata keçirilmiş kiberhücumların sayı 55% yüksəlib.

17/10/18
İnsanın hərəkəti nəticəsində əldə olunan enerji elektron qurğuların şarjında istifadə ediləcək

Çin alimləri tərəfindən hazırlanmış yeni nanogenerator insanın hərəkəti nəticəsində əldə olunan enerji 

17/10/18
ABŞ-ın daxili reyslərində sifətin tanınması sistemi tətbiq ediləcək

ABŞ-ın Federal Aviasiya Administrasiyası (FAA) daxili reyslərin həyata keçirildiyi aeroport və 

17/10/18
“IBM” kibertəhlükəsizlik problemlərinin həlli üçün süni intellektdən istifadə edəcək

ABŞ-ın “IBM” texnoloji şirkəti “IBM Security Connect” açıq platformasını təqdim edib.

17/10/18
“Facebook Messenger” istifadəçilərə göndərilmiş mesajları silməyə imkan verəcək

“Facebook” sosial şəbəkəsi öz rəsmi messencerində göndərilmiş  mesajları silməyə imkan verən funksiyanı 

17/10/18
“Huawei Mate 20” və “Mate 20 Pro” qabaqcıl smartfonları rəsmən təqdim edilib

“Huawei” şirkəti Londonda keçirilmiş tədbirdə öz qabaqcıl “Mate 20” və “Mate 20 Pro” smartfonlarını