Tarix:07/12/17

2019-cu ildə planet əhalisinin 50%-i internetdən istifadə edəcək

“eMarketer” analitiklərinin proqnozuna görə, 2017-ci ildə dünyada internet istifadəçilərinin sayı 3,46 milyard təşkil edəcək. Analitik şirkətin qiymətləndirməsinə görə, bu il planet əhalisinin təxminən 47%-i masaüstü fərdi kompüter, noutbuk və ya mobil qurğunun köməyi ilə ən azı ayda bir dəfə internetə daxil olub.

“ICTnews” Elektron Xəbər Xidməti “dailycomm.ru” saytına istinadən yazır ki, ekspertlərin proqnozuna görə, 2019-cu ilədək planet əhalisinin 50%-dən çoxu və ya təxminən 3,84 milyard nəfər internetdən istifadə edəcək. 2021-ci ildə göstəricilər müvafiq olaraq 53,7% və 4,14 milyard nəfər təşkil edəcək.

Mütəxəssislər qeyd edirlər ki, internet istifadəçilərinin qlobal sayının artmasına internetə çıxış imkanına malik mobil telefonların yayılması imkan yaratmağa davam edir. Asiya-Sakit okean regionu, Mərkəzi və Şərqi Avropa, Latın Amerikası, Yaxın Şərq və Afrikanın bir çox sakinləri internetə çıxış üçün bu qurğulara üstünlük verir.

Həmçinin “eMarketer” şirkəti bildirib ki, 2017-ci ildə mobil telefonların köməyi ilə internetə daxil olan istifadəçilərin sayı 2,73 milyard nəfər təşkil edəcək.

Bundan başqa, 2017-ci ildə dünyada smartfon istifadəçilərinin sayı 2,39 milyard nəfər təşkil edəcək ki, bu da dünya əhalisinin 32,3%-i deməkdir.

Emil Hüseynov

Baxış sayı: 647

© İstifadə edilərkən İctnews-a istinad olunmalıdır