NRYTN

Tarix:17/10/11

"Dayanıqlı inkişaf və idarəetmə modelləri: nəzəriyyə və praktika" mövzusunda keçiriləcək beynəlxalq konfrans keçiriləcək

Lənkəran Dövlət Universitetində 23-25 dekabr 2011-ci il tarixlərində "Dayanıqlı inkişaf və idarəetmə modelləri: nəzəriyyə və praktika" mövzusunda beynəlxalq elmi-praktik konfrans keçiriləcək.

Konfransda dayanıqlı inkişaf və idarəetməyə dair müasir təbiətşünaslıqda, humanitar və ictimai-siyasi elmlərdə alınan elmi-praktik əhəmiyyətli nəticələrə dair məruzələr dinlənilərək təhlil ediləcək.

Konfransın əsas bölmələri:

1. Heydər Əliyev irsi və Azərbaycanın müasir inkişafında İlham Əliyev mərhələsi

2. Azərbaycanın milli inkişaf modeli

3. Təhsil və sosial-iqtisadi inkişaf

4. İnformasiya texnologiyaları ilə sosial-iqtisadi inkişaf

5. Dayanıqlı inkişafın elmi-nəzəri problemləri

6. İdarəetmə və optimal idarəetmə modelləri

7. Qloballaşma şəraitində sosial-iqtisadi və ekoloji inkişaf

Konfransın sonunda onun mövzusuna dair tələbələr və gənc tədqiqatçılar üçün bir həftəlik tədris seminarı nəzərdə tutulur. Seminarda tanınmış alimlər nümunəvi dərslər (master klass) keçirəcəklər.

Təşkilatçılar:

Lənkəran Dövlət Universiteti, AMEA-nın Lənkəran Regional Elm Mərkəzi, Sumqayıt Dövlət Universiteti, Qafqaz Universiteti, Azərbaycan Turizm İnstitutu.

Konfransın işinə dair məlumat təşkilat komitəsı tərəfindən mütəmadi veriləcək. Plenar məruzələr - 45 dəqiqə, bölmə məruzələri - 30 dəqiqə, qısa məlumatlar - 10 dəqiqə.

Konfransın işçi dilləri:

Azərbaycan, rus və ingilis.

Konfransa qədər məruzə tezislərinin çap olunması planlaşdırılır.

Konfransda iştirak üçün 31 oktyabr 2011-ci ilə qədər konfrans iştirakçısının qeydiyyat vərəqini (SAA, elmi dərəcəsi, elmi adı, iş yeri, ünvanı, vəzifəsi, ev ünvanı, telefonları, e-poçtu, məruzənin adı, bölmənin adı) və 1 səhifə həcmində məruzə tezisini kağız və elektron formada göndərmək lazımdır. Məruzələrin tam mətni və onların elektron forması 10 dekabr 2011-ci ilə qədər göndərilməlidir.

Format: A4 , soldan 25 mm, sağdan 15mm, yuxarıdan və aşağıdan 20 mm, şriftin ölçüsü - 12 pt, şrift - Times New Roman, sətirarası interval - 1.0, səhifələr nömrələnmir.

Ünvan: AZ4200, Lənkəran şəhəri, General Həzi Aslanov xiyabanı 50.

Lənkəran Dövlət Universiteti: www.lsu.edu.az

e-mail: conference@lsu.edu.az

tel: (02525) 5-25-88, 5-03-40, 5-42-61, faks: (02525) 5-27-86

Əlaqəlandirici şəxs: dosent Şəmmədov Ramiz (mob) +994703212018

Baxış sayı: 824