12px13px15px17px
Tarix:20/10/11

Azərbaycanda İKT xidmətlərinin həcmi 11 faiz artıb

Azərbayacanda yanvar-sentyabrda təşkilatlar və əhaliyə göstərilən informasiya və rabitə xidmətlərini həcmi 883,1 milyon manat təşkil edib. Bu isə ötən ilin analoji dövrü ilə müqayisədə 11 faiz çoxdur. Bu barədə Azərbaycanın Dövlət Statistika Komitəsindən məlumat verilib.

Məlumata görə, ümumi həcmin 73 faizi əhaliyə göstərilən xidmətlərin payına düşür. Bununla yanaşı, əldə edilən gəlirlərin 62,5 faizi mobil rabitə xidmətlərinin payına düşür. Bu göstərici ötən ilə nisbətdə 3,4 faiz artaraq 551,8 milyon manat təşkil edib.

Dövlət Komitəsi ölkədə informasiya-kommunikasıya avadanlıqları istehsalının artım tempini də qeyd edir. Belə ki, doqquz ayın yekunlarına əsasən, Azərbaycanda 118,7 milyon manat dəyərində kompüter, elektron, optik və elektrik avadanlıqları istehsal edilib.

Elektrik avadanlıqlarının istehsalında 4,1 faiz artım qeydə alınıb. Bundan savayı, güc transfarmatorlarının istehsalı sahəsində isə artım 18,1 faiz olub. Doqquz ayın yekunlarına əsasən, ölkədə televizor istehsalı 2,1 dəfə artıb.

Oktyabrın 1-nə olan məlumata əsasən, anbarlarda 9,4 milyon manat dəyərində hazır məhsul olub. Bu isə sənaye müəssisələri məhsullarının ümümi həcminin 3,3 faizini təşkil edib.



Baxış sayı: 1153

© İstifadə edilərkən İctnews-a istinad olunmalıdır

Facebook Google Favorites.Live BobrDobr Delicious Twitter Propeller Diigo Yahoo Memori MoeMesto






29 Mart 2024

28 03 2024